រាជធានីភ្នំពេញ ៖ ក្រោយពីផឹកស៊ីក្នុងហាងម៉ាស្សាជាមួយថៅកែជាមិត្តភក្តិ ក៏ឲ្យស្ត្រីម៉ាស្សា២នាក់ច្របាច់ស្រឿសរសៃឲ្យ តែមិនទាន់បានម៉ាស្សាផងពួកនាងៗក៏សម្រេចចិត្តលែងម៉ាស្សាឱ្យវិញ ពេលបើកកាបូបក៏មានការឆោឡោថា បាត់លុយអស់ជិត១.០០០ដុល្លារ បង្កឲ្យមានការភ្ញាក់ផ្អើល កាលពីវេលាម៉ោង៧យប់ ថ្ងៃទី១៣…
រាជធានីភ្នំពេញ ៖ ក្រោយពីផឹកស៊ីក្នុងហាងម៉ាស្សាជាមួយថៅកែជាមិត្តភក្តិ ក៏ឲ្យស្ត្រីម៉ាស្សា២នាក់ច្របាច់ស្រឿសរសៃឲ្យ តែមិនទាន់បានម៉ាស្សាផងពួកនាងៗក៏សម្រេចចិត្តលែងម៉ាស្សាឱ្យវិញ ពេលបើកកាបូបក៏មានការឆោឡោថា បាត់លុយអស់ជិត១.០០០ដុល្លារ បង្កឲ្យមានការភ្ញាក់ផ្អើល កាលពីវេលាម៉ោង៧យប់ ថ្ងៃទី១៣ វិច្ឆិកា នៅហាងម៉ាស្សាដៃចំណាន ដែលស្ថិតនៅតាមបណ្តោយផ្លូវវត្តអង្គតាមិញ ភូមិគោកចំបក់ សង្កាត់ចោមចៅ១ ខណ្ឌពោធិ៍សែនជ័យ ។
ជនរងគ្រោះឈ្មោះហួត សុភ័ក្រ ភេទប្រុស អាយុ៥១ឆ្នាំ ជាមន្ត្រីនគរបាល រីឯនារីម៉ាស្សាជាប់ចោទមានគ្នា២នាក់ ឈ្មោះ យឿន ស្រីពៅ អាយុ២១ឆ្នាំ និងម្នាក់ទៀតឈ្មោះ ប៉ន សម្ភស្ស អាយុ២៨ឆ្នាំ រស់នៅហាងម៉ាស្សាជាមួយគ្នា ។បើតាមបុរសដែលអះអាងថាបាត់លុយបាននិយាយថា មុនពេលកើតហេតុរូបគាត់បានមកលេងថៅកែហាងម៉ាស្សាដែលជាមិត្តភក្តិនឹងគ្នាហើយក៏ជាមន្ត្រីនគរបាលមួយរូបដែរ ដោយមកជួបជុំមិត្តភក្តិផឹកស៊ីជាមួយថៅកែហាងម៉ាស្សានិងស្ត្រីម៉ាស្សាអស់ស្រាបៀរ១កេស ។
ប្រភពបន្តថា លុះពេលផឹកស៊ីស្រវឹងស្រឿងៗ គាត់ត្រូវបានស្ត្រីម៉ាស្សា២នាក់ខាងលើនាំទៅម៉ាស្សាឱ្យ ដោយដោះសម្លៀកបំពាក់អស់ទុកនៅខាងក្រៅ សល់តែខោខ្លីហើយបានដើរចូលបន្ទប់ តែមិនទាន់បានម៉ាស្សាឱ្យទេ ដោយសារខឹងស្ត្រីម៉ាស្សាឈ្មោះ ប៉ន សម្ភស្ស ហើយនារីម៉ាស្សានោះក៏បានខឹងវិញដែរ មិនដឹងថាលូកលាន់អីទេ ក៏ឈប់ម៉ាស្សាវិញ ។
ប្រភពដដែលបានបន្តទៀតថា លុះចេញពីកន្លែងម៉ាស្សាវិញ បុរសនោះបាននាំម្ចាស់ហាងទៅចូលខារ៉ាអូខេ ដោយនិយាយថារូបគេជាអ្នកចេញលុយ និងបានហុចកាបូបឲ្យមើល លុយរបស់គាត់មានចំនួន៨៨៥ដុល្លារ តែជាលុយគេផ្ញើទេ ។លុះពេលថៅកែហាងម៉ាស្សាបើកមើលកាបូបលុយ គឺមិនមានលុយសូម្បីតែមួយរៀលទើបធ្វើឲ្យមានការភ្ញាក់ផ្អើល និងបាននាំស្ត្រីម៉ាស្សាទាំង២នាក់ខាងលើទៅសួរនាំនៅប៉ុសិ៍្តប៉ូលិស។ ពេលសមត្ថកិច្ចសួរនាំ ស្ត្រីម៉ាស្សាទាំង២នាក់ខាងលើបានឆ្លើយដាក់គ្នាទៅវិញទៅមក ហើយបានបដិសេធរៀងៗខ្លួន ទោះជាយ៉ាងណាបុរសរូបនេះនៅតែចោទប្រកាន់ទៅលើនារីនោះដដែល ។
ក្រោយពេលកើតហេតុស្ត្រីម៉ាស្សា ឈ្មោះយឿន ស្រីពៅ ដោយមានគ្រឿងអលង្កានៅជាប់នឹងខ្លួន ថៅកែប្រុសជាអ្នកធានាឲ្យដោះលែងវិញ ចំណែកស្ត្រីម៉ាស្សាម្នាក់ទៀតបានទូរស័ព្ទហៅបងប្អូនឱ្យមកដោះស្រាយ និងបានធានាឱ្យត្រឡប់ទៅវិញដែរ ៕
ចែករំលែកព័តមាននេះ