Nokia 2 ៖ សាកតែម្តងលេងម៉ាឆ្អែត មិនមានការរំខានរឿងអស់ថ្មទៀតឡើយ
- ភ្នំពេញ
ប្រទេសកម្ពុជា ថ្ងៃទី១០ វិច្ឆិកា ឆ្នាំ២០១៧ ៖ HMD Global ដែលជាក្រុមហ៊ុនមានអាជ្ញាប័ណ្ណផ្តាច់មុខទូរស័ព្ទ Nokia នៅថ្ងៃនេះ…
ប្រទេសកម្ពុជា ថ្ងៃទី១០ វិច្ឆិកា ឆ្នាំ២០១៧ ៖ HMD Global ដែលជាក្រុមហ៊ុនមានអាជ្ញាប័ណ្ណផ្តាច់មុខទូរស័ព្ទ Nokia នៅថ្ងៃនេះ…
ប្រទេសកម្ពុជា ថ្ងៃទី១០ វិច្ឆិកា ឆ្នាំ២០១៧ ៖ HMD Global ដែលជាក្រុមហ៊ុនមានអាជ្ញាប័ណ្ណផ្តាច់មុខទូរស័ព្ទ Nokia នៅថ្ងៃនេះ បានប្រកាសសម្ពោធបង្ហាញរូបរាងទូរស័ព្ទដៃថ្មីម៉ូដែល Nokia 2 នៅប្រទេសកម្ពុជា ។
ទូរស័ព្ទNokia គឺជាប្រភេទទូរស័ព្ទដែលល្បីឈ្មោះចំពោះសមត្ថភាពក្នុងការកាន់ថ្មបានយូរ ហើយថ្ងៃនេះផងដែរក្រុមហ៊ុនបានប្រកាសចេញស្មាតហ្វូនស៊េរីថ្មី នាំមកនូវភាពអស្ចារ្យដែលមិនធ្លាប់មានពីមុនមក ។ ជាមួយនឹងថាមពលថ្មដែលកាន់បានយូររហូតដល់ទៅ២ថ្ងៃ ទូរស័ព្ទដៃថ្មីម៉ូដែល Nokia 2 ត្រូវបានផលិតឡើងដើម្បីឲ្យអ្នកប្រើប្រាស់ប្រើបានយូរ មិនងាយអស់ថ្ម ខុសប្លែកពីទូរស័ព្ទដទៃទៀតដែលត្រូវការសាកថ្ម ជាញឹកញាប់ ។
សមត្ថភាពដ៏អស្ចារ្យក្នុងការកាន់ថ្មបានយូរដល់ទៅ២ថ្ងៃ មិនបានធ្វើឲ្យស្មាតហ្វូនមួយនេះអន់ថយក្នុងប្រតិបត្តិការដទៃទៀតនោះឡើយ។ ទូរស័ព្ទដៃថ្មីម៉ូឌែលNokia 2 ផ្ដល់នូវបច្ចេកវិទ្យា រួមបញ្ចូលគ្នារវាងប្រតិបត្តិករ Qualcomm® Snapdragon ™ Mobile Platform អេក្រង់ ៥អ៊ីញ ថែមទាំងគុណភាព display ខ្ពស់ និងប្រព័ន្ធប្រតិបត្តិការ AndroidTM ចុងក្រោយបំផុត ប្រកបដោយសុវត្ថិភាពខ្ពស់ ដើម្បីបំពេញតម្រូវការជាទីពេញចិត្តដល់អ្នកប្រើប្រាស់គ្រប់ពេលវេលា និងជារៀងរាល់ថ្ងៃ ។
លោក ជូហូ សាវីកាស (Juho Sarvikas) ប្រធានផ្នែកផលិតផលនៃក្រុមហ៊ុន HMD Global បានមានប្រសាសន៍ថា៖«បច្ចុប្បន្ន មនុស្សជាច្រើនពឹងអាស្រយ័លើទូរស័ព្ទរបស់គាត់ ហើយពួកគាត់ត្រូវមានការក្រើនរំលឹករឿងសាកថ្មទូរស័ព្ទរបស់គាត់ពេលចេញទៅណាមកណា ដើម្បីរក្សាទំនាក់ទំនងបានពេញមួយថ្ងៃ ។ យើងគិតថា ការប្រើប្រាស់ទូរស័ព្ទមិនត្រូវបង្អាក់ឡើយ ហើយនេះជាមូលហេតុដែលយើងបង្កើតស្មាតហ្វូនដែលអាចឲ្យអ្នកប្រើទូរស័ព្ទបានរយៈពេលយូរ នៅពេលឧបករណ៍ផ្សេងទៀតត្រូវផ្អាកដំណើរការដើម្បីសាកថ្ម»។ «ជាមួយនឹងទូរស័ព្ទ Nokia 2 យើងចង់សង្កត់បន្ថែមលើបទពិសោធន៍នៃការប្រើប្រាស់ប្រព័ន្ធប្រតិបត្តិការ Android ដ៏ពិសេស បន្ថែមពីលើថាមពលថ្មកាន់បានយូរ ដែលអតិថិជនទាំងអស់រំពឹងចង់បានពីទូរស័ព្ទ Nokia។ ដើម្បីធ្វើឲ្យការរំពឹងទុកនេះក្លាយទៅជាការពិត គ្រប់ផ្នែកទាំងអស់នៃទូរស័ព្ទ Nokia 2 រាប់ចាប់ពី display ទៅដល់ថាមពលថ្ម ពីchipset ទៅដល់ការរចនាប្រព័ន្ធខាងក្នុង ទាំងអស់នេះត្រូវផលិតឡើងឲ្យស៊ីថាមពលតិចបំផុតពីបន្ទះថ្មដ៏ធំមួយ ផ្តល់ឲ្យអ្នកប្រើប្រាស់នូវស្មាតហ្វូនដែលកាន់ថ្មបានយូរ ដែលអ្នកប្រើប្រាស់អាចពឹងផ្អែកបានជានិច្ចពេលត្រូវការ»។
ផលិតឡើងដើម្បីដំណើការរយៈពេលយូរ និងគ្រប់កាលៈទេសៈ
ទូរស័ព្ទដៃថ្មីម៉ូដែល Nokia 2 រចនាឡើងផ្ដោតលើភាពធន់មាំជាងគេ និងចំណុចសំខាន់ៗឆ្លុះបញ្ចាំងពីកេរ្តិ៍ឈ្មោះរបស់ទូរស័ព្ទ Nokia គឺគុណភាព ភាពសាមញ្ញ និងភាពអាចជឿជាក់បាន ។ ស៊ុមរលោងរបស់ស្មាតហ្វូន Nokia 2 ត្រូវផលិតឡើងយ៉ាងម៉ត់ចត់ពីអាលុយមីញ៉ូម ស្របពេលដែលកញ្ចក់ Corning® Gorilla® ត្រូវបានបំពេញបន្ថែមដោយសារធាតុបូលីកាបូណេត នៅផ្នែកខាងក្រោយនាំមកនូវអារម្មណ៍ដ៏អស្ចារ្យ ព្រមទាំងគុណភាពល្អឥតខ្ចោះដែលអ្នកប្រើប្រាស់រំពឹងទុកពីស្មាតហ្វូន Nokia។
សមាសធាតុដ៏ល្អប្រណីត និងរចនាបថប្រកប
ដោយគំនិតច្នៃប្រឌិត និងងាយស្រួលក្នុងការប្រើប្រាស់ រួមគ្នាបង្កើតបាននូវម៉ូដែលស្មាតហ្វូនដ៏រស់រវើក រូបរាងទាន់សម័យ ដែលអាចឲ្យអ្នកប្រើប្រាស់រីករាយនឹងស្មាតហ្វូនដែលមានតម្លៃសមរម្យ ជាប់ធន់ និងកាន់ថ្មបានយូរ ។
សេរីភាពក្នុងការធ្វើការងារបានច្រើន
ទូរស័ព្ទដៃថ្មីម៉ូដែល Nokia 2 មិនត្រឹមតែមានថាមពលថ្មខ្ពស់ដល់ទៅ 4100 mAh បំពាក់ដោយអេក្រង់ទំហំ៥អ៊ីញ ប្រភេទ LTPS LCD HD display ផ្តល់នូវរូបភាពភ្លឺថ្លាត្រជាក់ភ្នែក ស្របពេលដែលថាមពលស៊ីថ្មតិចបំផុតនោះ។ Nokia 2 ថែមទាំងផ្តល់ឲ្យអ្នកនូវសេរីភាពនៃការកម្សាន្តដ៏សម្បូរបែប ចាប់ផ្តើមពីការទស្សនាវីដេអូ HD រូបថតគុណភាពច្បាស់ ស្តាប់បទចម្រៀងដែលអ្នកចូលចិត្ត ការកម្សាន្តលើបណ្តាញសង្គមនានា និងការឆែកអ៊ីនធើរណេតជាដើម ដោយមិនព្រួយបារម្ភពីការអស់ថ្មឡើយ។
ទូរស័ព្ទដៃថ្មីម៉ូដែល Nokia 2 អាចឲ្យអ្នកថតរូបភាពបានយ៉ាងស្រស់ស្អាតអស្ចារ្យគ្រប់ពេល ជាមួយនឹងកាមេរ៉ាខាងក្រោយទំហំ៨ មេហ្គាភិចសែលដែលមានមុខងារ automatic scene detection និង auto focus។ រីឯកាមេរ៉ាខាងមុខទំហំ 5MP អាចឲ្យអ្នកចាប់រូបភាពបានគ្រប់ជ្រុងជ្រោយ ។ អ្នកនឹងទទួលបានទំហំផ្ទុកសម្រាប់រូបភាពតាមដែលអ្នកចង់បានទៅក្នុងmemory card slot និងទំហំផ្ទុករូបភាព និងវីដេអូឥតដែនកំណត់ទៅក្នុង Google Photos។
ប្រព័ន្ធប្រតិបត្តិការ Android ដែលល្អឥតខ្ចោះ មានសុវត្ថិភាព និងអាចធ្វើបច្ចុប្បន្នភាពជានិច្ច ស្មាតហ្វូន Nokia 2 តែងតែផ្តល់ជូននូវប្រព័ន្ធប្រតិបត្តិការ Android ដែលល្អឥតខ្ចោះ មានសុវត្ថិភាព និងបច្ចុប្បន្នភាពទាន់សម័យជានិច្ច ជាមួយនឹងមុខងារដ៏វៃឆ្លាតដូចជា Google Assistant ។ ដំណើរការជាមួយនឹងប្រព័ន្ធប្រតិបត្តិការ Android Nougat និង Android Oreo ready អាចឲ្យ Nokia 2 ទទួលបានបច្ចុប្បន្នភាពសុវត្ថិភាពប្រចាំខែ ដូច្នេះអ្នកអាចទុកចិត្តបានថា ទូរស័ព្ទរបស់អ្នកមានសុវត្ថិភាព និងមានបច្ចុប្បន្នភាពជានិច្ច។
ពណ៌ និងតម្លៃ
Nokia 2 ពណ៌ខ្មៅមានលក់នៅទីផ្សារកម្ពុជា ដែលរាល់ការទិញNokia 2 ក្នុងតម្លៃត្រឹមតែ ១០៩ដុល្លារតែប៉ុណ្ណោះ នឹងមានការថែមជូន លេខទូរស័ព្ទ Smart តម្លៃ២៩ដុល្លារ និងគម្រោង Smart ធំហ្ម៎ង! សម្រាប់៨សប្តាហ៍។
គួររំលឹកដែរថា ប្រមាណ២សប្តាហ៍ចុងក្រោយនេះ ក្រុមហ៊ុន HMD Global នៅកម្ពុជាបានចេញស្មាតហ្វូនចំនួន ២ ម៉ូដែល គឺ Nokia 8 ដែលជាស្មាតហ្វូននាំមុខគេក្នុងចំណោមស៊េរីទូរស័ព្ទ Nokia ហើយសរុបទាំងអស់ HMD Global នៅកម្ពុជាបានចេញស្មាតហ្វូនចំនួន៥ម៉ូដែល Nokia 3 Nokia 5 Nokia6 Nokia 8 និង Nokia 2 ដែលជាម៉ូដែលចុងក្រោយគេបង្អស់ជាមួយតម្លៃយ៉ាងសមរម្យ ហើយមានសមត្ថភាពកាន់ថ្មខ្ពស់បានរហូតដល់ទៅ២ថ្ងៃ៕
ចែករំលែកព័តមាននេះ