បើតាមហោរាសាស្ត្រប្រចាំថ្ងៃតាមក្បួនលោក កាគ្លីយ៉ូស្ត្រូ និងព្រហ្មជាតិខ្មែរ សម្រាប់ថ្ងៃទី១៤ ខែវិច្ឆិកា ឆ្នាំ២០១៧ នេះបានធ្វើការទស្សន៍ទាយនូវជោគជតារាសីស្តេចឆ្នាំទាំង១២មានដូចតទៅ ៖
#ឆ្នាំជូត
រាសីថ្ងៃនេះធ្លាក់ចុះ ៖ លោកអ្នកអាចជួបនឹងគ្រោះភ័យជាយថាហេតុ ដោយសារតែការធ្វេសប្រហែសដោយប្រការណាមួយ ដូច្នេះមិនគប្បីធ្វើដំណើរទៅទីឆ្ងាយដែលមិនចាំបាច់ឡើយ ព្រោះអាចមានសត្រូវប៉ងយាយីធ្វើឱ្យរំខាន ។ បើជាអ្នកប្រកបមុខរបររកស៊ីវិញ ថ្ងៃនេះមិនគួរប្រញាប់ប្រញាល់ចាប់ផ្តើមដាក់ទុនពេកនោះទេ ។ រីឯបញ្ហាស្នេហាច្រើនតែចាប់កំហុសគ្នាទៅវិញទៅមក ។
#ឆ្នាំឆ្លូវ
រាសីថ្ងៃនេះមធ្យម ៖ លោកអ្នកអាចនឹងមានលាភផលដុះដាលបានខ្លះ ដូច្នេះសូមលោកអ្នកទទួលយកដោយរីករាយចុះ ព្រោះថា នេះជាលាភផលស្របតាមយីអ៊ុនហើយ ប៉ុន្តែទន្ទឹមនឹងនេះលោកអ្នកក៏ត្រូវប្រុងប្រយ័ត្នក្នុងការធ្វើចរាចរណ៍ផងដែរ ។ បើជាអ្នកប្រកបមុខរបររកស៊ីវិញ នឹងទទួលបានប្រាក់ចំណេញកាក់កបគ្រាន់បើជាងមុន ។ រីឯបញ្ហាស្នេហា គឺគូស្នេហ៍រីករាយជាធម្មតារកគ្នា ។
#ឆ្នាំខាល
រាសីថ្ងៃនេះខ្ពស់ត្រដែត ៖ រាល់កិច្ចការដែលប៉ងប្រាថ្នាក្នុងថ្ងៃនេះ តែងទទួលបានផ្លែផ្កាល្អនិងរមែងបានជួបតែនឹងរឿងល្អជានិច្ច គ្មានឧបសគ្គអ្វីមករារាំងធ្វើឱ្យលោកអ្នកមានការលំបាកនោះឡើយ។ បើជាអ្នកប្រកបមុខរបររកស៊ីវិញ និងអាចពង្រីកអាជីវកម្មឱ្យធំបន្ថែមទៀតបាន ។ ឯបញ្ហាស្នេហា គូស្វាមីភរិយា នឹងមានភាពសុខដុមរមនាជាមួយគ្នា គ្មានអ្វីជាផលរមាស់ឡើយ ។
#ឆ្នាំថោះ
រាសីថ្ងៃនេះមធ្យម ៖ បញ្ហាផ្លូវចិត្តមិនសូវសប្បាយរីករាយប៉ុន្មាននោះទេនៅក្នុងថ្ងៃនេះ ហើយបើចង់ទទួលផលពីការងារនោះ លុះត្រាតែលោកអ្នកមានចិត្តអំណត់ព្យាយាម និងបូជាពេលវេលាច្រើន ។ បើជាអ្នកប្រកបមុខរបររកស៊ីវិញ ការជួញដូរនៅទីជិតពុំសូវជាបានកាក់កបទេ គឺទាល់តែចេញទៅជួញដូរនៅឯទីឆ្ងាយទើបល្អ និងសមប្រកប ។ ឯបញ្ហាស្នេហា គ្មានអ្វីគួរឱ្យកត់សំគាល់ឡើយ ។
#ឆ្នាំរោង
រាសីថ្ងៃនេះធ្លាក់ចុះ ៖ លោកអ្នកអាចជួបនឹងរឿងអាស្រូវ ឬការរំខានដោយសារតែការបំពេញតួនាទីមិនបានគិតគូរឱ្យបានដិតដល់ធ្វើឱ្យសហការីនិយាយដើម ហើយបើជាស្ត្រីភេទវិញនោះមិនគួរឱ្យដើររហេតរហូតម្នាក់ឯងទេ គួរតែខ្នះខ្នែងរិះរកសំងំសុខល្អជាង ។ បើជាអ្នកប្រកបមុខរបររកស៊ីវិញ មិនមានការរីកចំរើនឡើយ ។ រីឯបញ្ហាស្នេហានៅក្នុងចិត្តច្រើនតែមានការមួម៉ៅច្រើន ។
#ឆ្នាំម្សាញ់
រាសីថ្ងៃនេះឡើងខ្ពស់ ៖ លោកអ្នកត្រូវបានអ្នកធំជឿទុកចិត្ត និងផ្តល់ការសរសើរបានសុខក្រៃពេក ប៉ុន្តែក្នុងនោះក៏មានមនុស្សខ្សត់ទ្រព្យ ឬអ្នកចូលចិត្តប្រើអំណាចរំលោភមើលងាយខ្លះដែរ តែមិនជាអ្វីទេ ។ បើជាអ្នកប្រកបមុខរបររកស៊ីវិញ ប្រាក់ចំណេញបានមកសមស្របទៅនឹងដើមទុនដែលបានដាក់ចេញ។ ឯបញ្ហាស្នេហា គូស្នេហ៍ស្រុះស្រួលចិត្តគ្នាល្អណាស់ ។
#ឆ្នាំមមី
រាសីថ្ងៃនេះធ្លាក់ចុះ ៖ រាល់ការបំពេញការងារជាទូទៅមានដំណើការមិនសូវជាល្អប៉ុន្មានទេដោយសារតែមានការភ្លាំងភ្លាត់ ។ លោកអ្នក ក៏អាចត្រូវខាតបង់ផលប្រយោជន៍ច្រើន។បើជាអ្នកប្រកបមុខរបររកស៊ីវិញ ផលកំរៃបានមកមិនគ្រប់ឆ្នាំងបាយទេ ដោយសារតែមានគូប្រជែងមកកាត់មុខកាត់មាត់ ដូច្នេះត្រូវធ្វើចិត្តឱ្យធ្ងន់ ។ រីឯបញ្ហាស្នេហា គូស្នេហ៍អាចមានការរកាំរកូសគ្នាខ្លះ ប៉ុន្តែមិនថ្វីឡើយ ។
#ឆ្នាំមមែ
រាសីថ្ងៃនេះឡើងខ្ពស់ ៖ គ្រប់កិច្ចការទាំងអស់ដែលលោកអ្នកព្យាយាមធ្វើ សុទ្ធតែនាំមកនូវអត្ថប្រយោជន៍ធំទូលំទូលាយគួរជាទីពេញចិត្តហើយបើជាអ្នករាជការវិញនោះក៏អាចនឹងត្រូវបានផ្លាស់ប្តូរមុខនាទីថ្មី ហើយល្អផងដែរ ។ បើជាអ្នកប្រកបមុខរបរជួញដូរវិញ ទោះបីជាចេញទៅជួញនៅទីណាក្តីមិនថាជិតឬឆ្ងាយឡើយ ក៏តែងបានផលកំរៃកាក់កបជាទីពេញចិត្តដែរ ។ ឯបញ្ហាស្នេហាមានស្ថានភាពល្អប្រពៃ ។
#ឆ្នាំវក
រាសីថ្ងៃនេះធ្លាក់ចុះ ៖ លោកអ្នកច្រើនមានចិត្តទោសៈមោហៈច្រើននៅក្នុងថ្ងៃនេះ ទោះបីជាធ្វើការងារអ្វីក្តីក៏ធ្វើមិនពេញដៃពេញជើងដែរ ហើយក្នុងនោះលោកអ្នកអាចក្លាយទៅជាអ្នកប៉ិនសន្សំរឿង និងមានគំនុំដក់ជាប់ក្នុងចិត្តទៀតផង ។ បើជាអ្នកប្រកបមុខរបររកស៊ីវិញរកប្រាក់ចិញ្ចឹមឆ្នាំងមិនចង់គ្រប់ផងទេ ។ ឯបញ្ហាស្នេហា គូស្នេហ៍អាចនឹងមានការប្រេះឆាគ្នាដោយសារអ្នកក្រៅ ដូច្នេះត្រូវប្រយ័ត្ន ។
#ឆ្នាំរការ
រាសីថ្ងៃនេះល្អបង្គួរ ៖ រាល់ការបំពេញភារកិច្ចនៅថ្ងៃនេះមានសភាពរលូនទៅមុខដូចសព្វដង ប៉ុន្តែក្នុងនោះក៏ទាមទារឱ្យលោកអ្នកមានការប្រឹងប្រែងខ្លាំងបន្តិចដែរ ដើម្បីឱ្យបានសំរេចដល់គោលដៅដែលចង់បាន ។ បើជាអ្នកប្រកបមុខរបររកស៊ីវិញ ប្រាក់កំរៃបានមកកាក់កបគ្រាន់បើអាចឱ្យលោកអ្នកសន្សំទុកបានខ្លះ។ ឯបញ្ហាស្នេហា ការចេះយល់ចិត្តគ្នា គឺជាវិធីដ៏ប្រសើរបំផុត ។
#ឆ្នាំចរ
រាសីថ្ងៃនេះធ្លាក់ចុះ ៖ លោកអ្នកនឹងជួបនូវការក្តៅក្រហាយដោយសារតែក្រុមគ្រួសារបង្កឡើង បណ្តាលឱ្យមានការខាតបង់អស់ទ្រព្យសម្បត្តិមួយចំនួន ប៉ុន្តែទោះបីជាយ៉ាងនេះក្តីក៏សូមលោកអ្នកធ្វើចិត្តឱ្យបានត្រជាក់ទើបវិបត្តិនេះបានរសាត់ផុត ។ បើជាអ្នកប្រកបមុខរបររកស៊ីវិញអាចនឹងមានអ្នកមិនស្មោះត្រង់មកឆបោកយកទំនិញទទេៗដែលត្រូវតែប្រុងប្រយ័ត្ន ។ រីឯបញ្ហាស្នេហាច្រើនសង្ស័យគ្នាទៅវិញទៅមក ។
#ឆ្នាំកុរ
រាសីថ្ងៃនេះឡើងខ្ពស់ ៖ រាល់សេចក្តីប្រាថ្នាទាំងឡាយដែលលោកអ្នកចង់ពឹងពាក់អ្នកមានបុណ្យស័ក្តិខ្ពស់ ដើម្បីផលប្រយោជន៍អ្វីមួយនោះ គឺពិតជាអាចទទួលបានជោគជ័យជាទីគាប់ចិត្តនៅក្នុងថ្ងៃនេះ ។ បើជាអ្នកប្រកបមុខរបររកស៊ី ឬជួញដូរវិញ មានអតិថិជនថ្មីចាស់ទាក់ទងច្រើនធ្វើឱ្យមុខរបរលោកអ្នកមានការរីកលូតលាស់ទៅមុខ ។ ឯបញ្ហាស្នេហា គូស្នេហ៍មានតែភាពផ្អែមល្ហែម បើនៅលីវនឹងជួបមនុស្សជាទីពេញចិត្ត ៕
( សូមឱ្យមិត្តអ្នកអានទទួលបានតែសំណាងល្អ ស៊ែរចែករំលែកដើម្បីទទួលបានលាភសំណាង )
ចែករំលែកព័តមាននេះ