រាជធានីភ្នំពេញ ៖ នគរបាលការិយយាល័យព្រហ្មទណ្ឌកម្រិតធ្ងន់រាជធានីភ្នំពេញ កាលពីព្រឹកថ្ងៃទី១៣ ខែវិច្ឆឹកា នេះ បានធ្វើពិធីបង្ហាញមុខក្រុមជនសង្ស័យជាចោរប្លន់១ក្រុម មានបក្សពួក២នាក់ ដែលករណីបាញ់ប្លន់ម៉ូតូពីស្រីម្នាក់ និងក្រុមពាក់ពន្ធគ្រឿងញៀន៥នាក់ មុខបញ្ជូនទៅកាន់ទៅតុលាការ ។
ជនសង្ស័យ២នាក់ថាជាក្រុមចោរប្លន់ប្រដាប់អាវុធម្នាក់ឈ្មោះ ម៉ែន រ័ត្ន ហៅរ័ត្ន ភេទប្រុស អាយុ៣៤ឆ្នាំ មានទីលំនៅផ្ទះជួល ផ្ឡូវបេតុង សង្កាត់អូបែកក្អម ខណ្ឌសែនសុខ និងម្នាក់ឈ្មោះ ឥន ចាន់ដារ៉ូត ហៅរ៉ូត ភេទប្រុស អាយុ២៤ឆ្នាំ ស្នាក់នៅផ្ទះជួល ផ្លូវឧកញ៉ាទេពផន សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
ដោយឡែកជនជាប់សង្ស័យពាក់ព័ន្ធគ្រឿងញៀន៥នាក់ ១.ឈ្មោះ ឃីន ដឺលុច្យ ភេទប្រុស អាយុ៣៤ឆ្នាំ ២.ឈ្មោះ ហេង សាវុធ ភេទប្រុស អាយុ២៧ឆ្នាំ ៣.ឈ្មោះ ប៊ុត សិលា ភេទប្រុស អាយុ៣៤ឆ្នាំ ៤.ឈ្មោះ ហ៊ីម ពៅ ភេទស្រី អាយុ២១ឆ្នាំ និង៥.ឈ្មោះ ហ៊ីម រ៉ៃ ភេទស្រី អាយុ២១ឆ្នាំ ពួកគេប្រមូលផ្តុំគ្នាស្នាក់នៅផ្ទះជួល សង្កាត់អូបែក្អម ខណ្ឌសែនសុខ ។ ក្នុងនោះដែរសមត្ថកិច្ចបានបង្ហាញវត្ថុតាងដែលជនសង្ស័យបានប្រើប្រាស់យកទៅធ្វើសកម្មភាពកន្លងមកដូចជា ៖ ១.អាវុធខ្លីម៉ាកកា៥៩១ដើម បង់១គ្រាប់៥គ្រាប់ ២.អាវុធខ្លីម៉ាកប៉េអាកុលប្រើហ្គាស ៣.សារធាតុញៀន១កញ្ចប់ធំល្មម ម៉ូតូ៣គ្រឿង និងឧបករណ៍ពាក់ព័ន្ធមួយចំនួនទៀត ។
ពិធីបង្ហាញមុខបង្ហាញមុខក្រុមជនសង្ស័យខាងលើនេះធ្វើឡើងដោយ លោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកម្រិតធ្ងន់រាជធានីភ្នំពេញ និងមន្ត្រីជំនាញក្រោមឱវាទ រួមទាំងអធិការរង នគរបាលខណ្ឌ៧មករា ខណ្ឌទួលគោក និងខណ្ឌសែន ដែលជាអាជ្ញាដែនដីចោរធ្វើសកម្មភាព ក៏បានចូលរួមដែរ ។ លោក អេង សោភា បានថ្លែងឲ្យដឹងថា ជនសង្ស័យ២នាក់ជាក្រុមប្លន់ប្រដាប់អាវុធ បានសារភាពហើយថា ពួកមានគ្នា៣នាក់ដែលម្នាក់កំពុងគេចខ្លួន និងធ្លាប់ចូលរួមធ្វើសកម្មភាពប្លន់ចំនួន២លើក លើកទី១.កាលពីវេលាម៉ោងប្រមាន២១យប់ ថ្ងៃទី០៧ ខែវិច្ឆឹកា ឆ្នាំ២០១៧ បាញ់ជនរងគ្រោះម្នាក់ជាស្ត្រីឈ្មោះ ទិត្យ មុន្នីរ័ត្ន អាយុ២៦ឆ្នាំ បណ្តាលឲ្យធ្លាយថ្ពល់រងរបួសជាទម្ងន់ ប្លន់យកម៉ូតូម៉ាកហុងដាស្កុបពី ពណ៌ស ស៊េរី២០១៨ នៅចំណុចមុខផ្ទះលេខ៩៥អឺ០ ផ្លូវ១៤៩ សង្កាត់វាលវង់ ខណ្ឌ៧មករា ។ លើកទី២.កាលពីវេលាម៉ោង០៦និង៣០នាទីព្រឹក ថ្ងៃទី១០ ខែវិច្ឆិកា ឆ្នាំ២០១៧ បាញ់ឡើងប្លន់យកម៉ូតូដាឌ្រីមសង់១២៥មួយគ្រឿង ពណ៌ខ្មៅ ទៅបាត់ពីក្មេងប្រុសម្នាក់ នៅចំណុចមុខផ្ទះលេខ៧៨ ផ្លូ២០០៤ សង្កាត់កាកាប១ ខណ្ឌសែនសុខ រាជធានីភ្នំពេញ ខណៈជនរងគ្រោះបម្រុងចេញពីផ្ទះ ។
លោក អេង សោភា បន្តថា ដើមចមបណ្តាលឲ្យឈានដល់ការចាប់ខ្លួនជនសង្ស័យជាក្រុមចោរប្លន់ប្រដាប់អាវុធ ដំបូងនសមត្ថកិច្ចគរបាលការិយាល័យព្រហ្មទណ្ឌកម្រិតធ្ងន់ ស្រាវជ្រាវរកឃើញក្រុមចែកចាយ និងប្រើប្រាស់គ្រឿងញៀន១ក្រុម មានប្រុសស្រី៥នាក់ខាងលើនេះ ដោយមានការសហការជាមួយនគរបាលមូលដ្ឋាន រួចហើយក៏បានសួរយកចម្លើយពួកគេ ទើបបានធ្លាយចេញក្រុមប្លន់ប្រដាប់អាវុធដ៏សាហាវនេះ ។ ពេលទទួលបានព័ត៌មានដឹងថា ក្រុមប្លន់ប្រដាប់អាវុធការិយាល័យជំនាញបានរាយការណ៍ជូនថ្នាក់លើ និងសំគោលការទៅស្នងការ ព្រមទាំងមានការសម្របសម្រួលពីស្ថាប័នអយ្យការ ឃាត់ខ្លួនក្រុមប្លន់ប្រដាប់អាវុធបាន២នាក់ រួមទាំងដកហូតកាំភ្លើង និងសម្ភារពាក់ពន្ធមួយចំនួនទៀតផង ។
ក្រោយពីធ្វើពិធីបង្ហាញមុខជនសង្ស័យជាក្រុមចោរប្លន់ប្រដាប់អាវុធ២នាក់ និងក្រុមប្រើប្រាស់គ្រឿងញៀន៥នាក់ នគរបាលព្រហ្មទណ្ឌ បាននាំខ្លួនពួកគេទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ