ពិធីការិនីដ៏ស្រស់ស្អាតមួយរូបគឺនាង Ilinca Vandici ក្នុងកម្មវិធីទូរទស្សន៍«Bravo ai stil» នៅប្រទេសរ៉ូម៉ានី ស្ថិតនៅក្នុងឈុតវែងពណ៌ខ្មៅមានអារម្មណ៍ថាសត្វអ្វីម្យ៉ាងវារតោងនៅកំប៉េះគូទ ឬនៅលើជើង ហើយក៏គិតថាប្រហែលជាពីងពាង ។ ដោយសារភ័យខ្លាចចំពោះសត្វប្រភេទនេះ ទើបធ្វើឲ្យនាងត្រូវលាត់សំពត់ដើម្បីដឹងថាតើមានពីងពាង ឬអត់ ដោយភ្លេចគិតថាខ្លួនកំពុងធ្វើជាពិធីការិនី និងមានម៉ាសីុនថតចាប់យករូបភាពបង្ហាញតាមទូរទស្សន៍ ។
បើក្រឡេកមើលតាមវីដេអូឃ្លីបទឹកមុខរបស់នាងហាក់ដូចជាមានអារម្មណ៍ខុសប្រក្រតី ហើយបានលើក និងលាត់សំពត់ឡើងរួចដើរបែរខ្នងដាក់វេទិកា ។ ស្របពេលជាមួយគ្នានោះភ្ញៀវដែលអញ្ជើញចូលរួមក្នុងកម្មវិធីបានចូលទៅជួយ ប៉ុន្តែមិនឃើញសត្វអ្វីនៅលើខ្លួនរបស់នាងទេ ។
នាង Ilinca Vandici ជាពិធីការិនីរ៉ូម៉ានីដ៏ស្រស់ស្អាត ទើបសម្រាលបានកូនប្រុស និងរៀបការកាលពីខែសីហា កន្លងមកបានធ្វើជាពិធីការិនីក្នុងកម្មវិធី«Bravo ai stil» ។ កម្មវិធីនេះគឺជាផ្នែកមួយនៅក្នុងកម្មវិធីទូរទស្សន៍ដែលពេញនិយមនៅរ៉ូម៉ានី ៕
ចែករំលែកព័តមាននេះ