ទីក្រុងសិង្ហបុរី ៖ ទិន្នន័យថ្មីមកពីក្រុមហ៊ុនច្បាប់មួយបានគំរាមបង្ហាញទ្រព្យសម្បត្តិរបស់បុគ្គលមួយចំនួនដែលខិតខំលាក់បាំង និងបង្ហាញពីវិធីដែលក្រុមហ៊ុន មូលនិធិឯកជន និងបុគ្គលដទៃទៀតអាចគេចការបង់ពន្ធ ។ មួយឆ្នាំបន្ទាប់ពីករណី Panama Papers…
ទីក្រុងសិង្ហបុរី ៖ ទិន្នន័យថ្មីមកពីក្រុមហ៊ុនច្បាប់មួយបានគំរាមបង្ហាញទ្រព្យសម្បត្តិរបស់បុគ្គលមួយចំនួនដែលខិតខំលាក់បាំង និងបង្ហាញពីវិធីដែលក្រុមហ៊ុន មូលនិធិឯកជន និងបុគ្គលដទៃទៀតអាចគេចការបង់ពន្ធ ។ មួយឆ្នាំបន្ទាប់ពីករណី Panama Papers ការលេចចេញនូវព័ត៌មានសម្ងាត់ពីក្រុមហ៊ុនច្បាប់ Appleby Group Services Ltd បានបង្ហាញរឿងសម្ងាត់កាន់តែច្រើនរបស់បុគ្គលមានទ្រព្យសម្បត្តិស្តុកស្តម្ភ ។
លោក Wilbur Ross រដ្ឋមន្ត្រីពាណិជ្ជកម្មអាមេរិក ជួបប្រទះនឹងសំណួរទាក់ទិននឹងការបង្ហាញព័ត៌មានហិរញ្ញវត្ថុទៅកាន់សភាជាតិ និងរដ្ឋាភិបាល បន្ទាប់ពីលោកមិនបានប្រកាសពីទំនាក់ទំនងអាជីវកម្មលោកជាមួយកូនប្រសាលោកប្រធានាធិបតីរុស្ស៊ី Vladimir Putin។ ឯកសាររបស់ Appleby បានបន្ថែមព័ត៌មានលម្អិតទាក់ទិននឹងភាគហ៊ុនរបស់លោក Ross ក្នុងក្រុមហ៊ុនដឹកជញ្ជូន Navigator Holdings ។
សមាជិកសភាមកពីគណបក្សប្រជាធិបតេយ្យ និងក្រុមសកម្មជនពន្ធនិយាយថា គណបក្សសាធារណរដ្ឋគួរតែពន្យារពេលសម្រេចលើច្បាប់រដ្ឋាករថ្មី បន្ទាប់ពីរបាយការណ៍នេះចោទប្រកាន់ថា ក្រុមហ៊ុនពហុជាតិអាមេរិក រួមមាន Apple Inc និង Nike Inc បានគេចបង់ពន្ធនៅបរទេស ។
អាជ្ញាធររដ្ឋាករកាណាដាកំពុងត្រួតពិនិត្យរបាយការណ៍ទាំងនេះ ដែលជាប់ទាក់ទិននឹងអ្នកប្រមូលមូលនិធិសម្រាប់លោកនាយករដ្ឋមន្ត្រី Justin Trudeau ផងដែរ ។ អាជីវករ Stephen Bronfman ជាកូនប្រុសមហាសេដ្ឋី Charles Bronfman គឺស្ថិតក្នុងចំណោមបុគ្គលជាប់ក្នុងឯកសារធនាគារដែលបានលេចចេញ ។
វិនិយោគិន Yuri Milner ក្នុង Silicon Valley ជាអ្នកគាំទ្រ Facebook Inc នៅពេលទើបចាប់ផ្តើមដំបូង បានសហការវិនិយោគជាមួយធនាគារ VTB Bank PJSC របស់រុស្ស៊ី មុនពេលការដាក់ទណ្ឌកម្មសេដ្ឋកិច្ច ។ អាជ្ញាធរឥណ្ឌូណេស៊ី ក៏កំពុងស៊ើបអង្កេតអតីតបេក្ខជនឈរឈ្មោះ Prabowo Subianto និងកូនៗរបស់អតីតអ្នកដឹកនាំ Suharto ដែលអាចជាប់ទាក់ទងនឹងការល្មើសច្បាប់រដ្ឋាកររបស់ប្រទេស ។
ជនជាតិកូរ៉េខាងជើងម្នាក់ដែលមានឈ្មោះក្នុងឯកសារខាងលើ ត្រូវបានចោទប្រកាន់ថា ជាម្ចាស់ភាគហ៊ុនក្រុមហ៊ុនមួយនៅប្រទេសម៉ាល់ត៍ ដែលអាចនឹងចូលរួមបញ្ជូនកម្មករសំណង់កូរ៉េខាងជើងទៅធ្វើការនៅបរទេស ។ សូម្បីតែព្រះមហាក្សត្រីយានី Elizabeth II របស់ចក្រភពអង់គ្លេស ក៏បានវិនិយោគជាច្រើនក្នុងមូលនិធិមួយ តាមរយៈកម្មសិទ្ធិឯកជន Duchy of Lancaster ផងដែរ ៕
ចែករំលែកព័តមាននេះ