ខេត្តកណ្ដាល ៖ បុរសម្នាក់ដែលគេដឹងថា ញៀនថ្នាំ និងធ្លាប់ជាប់ពន្ធនាគារផង ពេលផឹកស្រាស្រវឹងរករឿងឈ្លោះប្រកែកជាមួយឪពុកម្ដាយ និងវាយបំផ្លាញទ្រព្យសម្បត្តិសម្ភារក្នុងផ្ទះខ្ទេច ហេតុការណ៍នេះ កាលពីម៉ោង២រសៀលថ្ងៃទី១២ ខែវិច្ឆិកាឆ្នាំ២០១៧…
ខេត្តកណ្ដាល ៖ បុរសម្នាក់ដែលគេដឹងថា ញៀនថ្នាំ និងធ្លាប់ជាប់ពន្ធនាគារផង ពេលផឹកស្រាស្រវឹងរករឿងឈ្លោះប្រកែកជាមួយឪពុកម្ដាយ និងវាយបំផ្លាញទ្រព្យសម្បត្តិសម្ភារក្នុងផ្ទះខ្ទេច ហេតុការណ៍នេះ កាលពីម៉ោង២រសៀលថ្ងៃទី១២ ខែវិច្ឆិកាឆ្នាំ២០១៧ នៅភូមិកំពង់ថ្កុល ឃុំសំពៅពូន ស្រុកកោះធំ ខេត្តកណ្តាល ។
បុរសដែលត្រូវបាននគរបាលចាប់ខ្លួន ស្រ៊ីវ ចាន់ស៊ី អាយុ ២៧ ឆ្នាំ មានមុខរបរកសិករ នៅភូមិ ឃុំកើតហតុ ។
ជនរងគ្រោះជាឪពុកបានរៀបរាប់ថា ជនសង្ស័យជាកូននៅពេលកើតហេតុ មកពីផឹកស្រាស្រវឹង និងជាមនុស្សញៀនថ្នាំ បានមកដល់ផ្ទះរករឿងបង្កជម្លោះជាមួយបងប្អូន និងឪពុកម្ដាយ ហើយវាយបំផ្លាញទ្រព្យសម្បត្តិ្តក្នុងផ្ទះ ដូចជា តុ កៅអី ទូរទស្សន៍ ចានឆ្នាំង និងសម្ភារប្រើប្រាស់នៅក្នុងផ្ទះមួយចំនួនទៀត ។
ជននេះធ្លាប់ជាប់ព័ន្ធធនាគារចំនួនប្រាំឆ្នាំពីបទមនុស្សឃាត ទើបតែចេញមកពីពន្ធនាគារ។ នៅពេលចេញមកវិញពុំបានកែរប្រែរខ្លួនឡើយតែងតែដើររផឹកស៊ី សេពថ្នាំញៀន បង្កជម្លោះជាមួយអ្នកជិតខាងមិនព្រមស្ដាប់ការទូន្មានរបស់ឪពុកម្ដាយបងប្អូនឡើយ ។ ដូចនេះជនរងគ្រោះជាឪពុក ដាក់ពាក្យបណ្ដឹង សំណូមពរឲ្យចាត់ការទៅតាមផ្លូវច្បាប់ ។
បច្ចុប្បន្ន ជនសង្ស័យត្រូវបានបញ្ជូនមកកាន់អធិការដ្ឋាននគរបាលស្រុក ដើម្បី កសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ