ខេត្តព្រះសីហនុ ៖ រដ្ឋបាលស្រុកព្រៃនប់សហការជាមួយស្ថាប័នពាក់ព័ន្ធបានរៀបចំកិច្ចប្រជុំជាមួយតំណាងម្ចាស់គ្រឿងចក្រនៅក្នុងស្រុកព្រៃនប់ ដូចជាផ្នែកគ្រឿងចក្រឈូសឆាយដី និង រថយន្តដឹកដីជាដើម ដើម្បីពង្រឹងការអនុវត្តន៍ច្បាប់ ។ បើតាមលោកសរ កក្កដា…
ខេត្តព្រះសីហនុ ៖ រដ្ឋបាលស្រុកព្រៃនប់សហការជាមួយស្ថាប័នពាក់ព័ន្ធបានរៀបចំកិច្ចប្រជុំជាមួយតំណាងម្ចាស់គ្រឿងចក្រនៅក្នុងស្រុកព្រៃនប់ ដូចជាផ្នែកគ្រឿងចក្រឈូសឆាយដី និង រថយន្តដឹកដីជាដើម ដើម្បីពង្រឹងការអនុវត្តន៍ច្បាប់ ។
បើតាមលោកសរ កក្កដា អភិបាលស្រុកព្រៃនប់ថ្លែងថា កន្លងមកឃើញម្ចាស់គ្រឿងចក្រមួយចំនួនអនុវត្តន៍បានល្អតាមច្បាប់ ប៉ុន្តែនៅមួយចំនួនអនុវត្តមិនទាន់បានត្រឹមត្រូវតាមច្បាប់កំណត់ ដូចជាករណីរថយន្តដឹកដី មិនមានគម្របគ្របត្រឹមត្រូវ ករណីគ្រឿងចក្រឈូសឆាយដីព្រៃ ឬដីភ្នំមិនមានច្បាប់អនុញ្ញាតជាដើម ។
ជុំវិញបញ្ហានេះរដ្ឋបាលស្រុកព្រៃនប់ និងស្ថាប័នពាក់ព័ន្ធ បានដាក់កម្រិតឲ្យម្ចាស់គ្រឿងចក្រទាំងអស់ ពេលធ្វើអាជីវកម្មត្រូវតែមានច្បាប់ជាដាច់ខាត ។ ចំណែកអ្នកមានច្បាប់ហើយ ក៍ត្រូវតែគោរពទៅតាមបទដ្ឋានបច្ចេកទេសដែលបានកំណត់សំដៅធ្វើយ៉ាងណាឲ្យបងប្អូនម្ចាស់គ្រឿងចក្រទាំងអស់ប្រកបអាជីវកម្មបានផលចំណេញ និងមិនជាប់ពិន័យផ្សេងៗ ៕
ចែករំលែកព័តមាននេះ