ខេត្តសៀមរាប ៖ ក្រុមអ្នកយកព័ត៌មានរបស់ស្ថានីយ៍ទូរទស្ស CNC បានជួបគ្រោះថ្នាក់ចរាចរណ៍ ខណៈបើកបរក្នុងល្បឿនលឿនមកដល់ចំណុចផ្លូវរាងកោង ហើយត្រូវអ្នកបើកងងុយដេកមួយភាំងផងនោះ ក៏រេចង្កូតបុកបង្កោលបង្កាន់ដៃផ្លូវ បណ្តាលឱ្យបាក់ ហើយរថយន្តបានក្រឡាប់៣ទៅបួនត្រឡប់ចូលទឹកប្រឡាយដេកស្តូកទាំមនុស្សទាំងរថយន្ត …
ខេត្តសៀមរាប ៖ ក្រុមអ្នកយកព័ត៌មានរបស់ស្ថានីយ៍ទូរទស្ស CNC បានជួបគ្រោះថ្នាក់ចរាចរណ៍ ខណៈបើកបរក្នុងល្បឿនលឿនមកដល់ចំណុចផ្លូវរាងកោង ហើយត្រូវអ្នកបើកងងុយដេកមួយភាំងផងនោះ ក៏រេចង្កូតបុកបង្កោលបង្កាន់ដៃផ្លូវ បណ្តាលឱ្យបាក់ ហើយរថយន្តបានក្រឡាប់៣ទៅបួនត្រឡប់ចូលទឹកប្រឡាយដេកស្តូកទាំមនុស្សទាំងរថយន្ត ។
ហេតុការណ៍ដ៏រន្ធត់នេះ កើតឡើងកាលពីវេលាម៉ោង០៤ និង២៥នាទីរសៀលថ្ងៃទី១០វិច្ឆិកា ស្ថិតនៅលើផ្លូវជាតិ៦៧ ចន្លោះគីឡូម៉ែត្រលេខ៣៧១ ក្នុងភូមិត្រពាំងក្រសាំង ឃុំស្រែណូយ ស្រុកវ៉ារិន ខេត្តសៀមរាប ។
សេចក្តីរាយការណ៍បន្តថា គ្រោះថ្នាក់នេះ សំណាងល្អបានអ្នកធ្វើដំណើរឃើញ ទើបនាំគ្នាហៅសមត្ថកិច្ចនិងជួយស្រង់ចេញពីទឹក បណ្តាលឱ្យរបួសធ្ងន់ស្រាល៣នាក់ ក្នុងនោះ (អ្នកបើកបរ និងអ្នករួមដំណើរម្នាក់ ទៀត) ដែលរបួសធ្ងន់ ត្រូវដឹកយកមកសង្គ្រោះនៅមន្ទីរពេទ្យបង្អែកខេត្តសៀមរាប នេះបើតាមសម្តីរបស់លោកអធិការស្រុកវ៉ារិន។
បើតាមសម្តីលោកវរសេនីយ៍ត្រី ហុង ប៊ូ ហេង អធិការដ្ឋាននគរបាលស្រុកវ៉ារិន បានប្រាប់កោះសន្តិភាពថា ករណីគ្រោះថ្នាក់ចរាចរណ៍ក្រឡាប់រថយន្ត ដោយខ្លួនឯង បណ្តាលឱ្យរបួសធ្ងន់២នាក់ និងស្រាលម្នាក់នោះ គឺបើកបរមកពីជើងមកត្បូង (ចេញពីខេត្តឧត្តរមានជ័យ មកខេត្តសៀមរាប) ខណៈត្រឡប់មកពីយកព័ត៌មាននៅខេត្ត ឧត្តរមានជ័យវិញ ។ ចំពោះមូលហេតុបើកបរល្បឿន ហើយងងុយដេក ដល់កន្លែងកើតហេតុ ដោយសារផ្លូវកោងបន្តិចផង ទើបធ្វើឱ្យអ្នកបើកបររេចង្កូតទៅបុកបង្គោល បង្កាន់ដៃអែបផ្លូវ ក្រឡាប់ ៣ ទៅ ៤ ត្រឡប់ ចូលទៅក្នុងទឹកប្រឡាយផ្ងារពោះឡើងលើ សំណាងល្អដែរ គ្មាននរណាម្នាក់ បាត់បង់ជីវិត ព្រោះបានអ្នកធ្វើដំណើរ ជួយហៅសមត្ថកិច្ច និងជួយចុះទៅស្រង់ចេញពីក្នុងរថយន្ត។
ជនរងគ្រោះទាំង៣នាក់ មាន៖ទី១/ឈ្មោះ ង៉ាន់ សំណាង ភេទប្រុស អាយុ៣៤ឆ្នាំ រស់នៅភូមិព្រែកភ្នៅ រាជធានីភ្នំពេញ (របួសធ្ងន់) ជាអ្នកបើកបរ រថយន្តម៉ាក ហ្វត ពណ៌ទឹកប្រាក់ ឆ្នាំ២០១៣ ពាក់ស្លាកលេខ ភ្នំពេញ ២.AA.69 85 ទី២/ឈ្មោះ ធឹង ចាន់សារ៉ាន់ ភេទប្រុស អាយុ៣៦ឆ្នាំរស់នៅ ខ័ណ្ឌ ដូនពេញ រាជធានីភ្នំពេញ (របួសធ្ងន់ អ្នករួមដំណើរ) និង ទី៣ /ឈ្មោះ ទេព ពិសិទ្ធ ភេទប្រុស អាយុ៣៨ឆ្នាំរស់នៅព្រែកលាភ រាជធានីភ្នំពេញ (របួស ស្រាល អ្នករួមដំណើរ)។អ្នកទាំង៣នាក់ ជាបុគ្គលិកភ្នាក់ងារ អ្នកយកព័ត៌មានឱ្យទូរទស្ស C N C ។
តាមប្រភពពីក្រុមគ្រូពេទ្យបង្អែកខេត្តសៀមរាបបានប្រាប់កោះសន្តិភាពទៀតថា ជនរងគ្រោះទាំង២នាក់ ដែលបានដឹកយកមកពីស្រុកវ៉ារិន ដោយសារគ្រោះថ្នាក់ចរាចរណ៍នោះ មាន១-ឈ្មោះង៉ាន់ សំណាង ភេទប្រុស អាយុ៣៤ឆ្នាំ ជាអ្នកបើកបរ របួសធ្ងន់
(បាក់ឆ្អឹងដងកាំបិត មានឈាម ក្នុងពោះ ច្រើន ត្រូវវះកាត់ជាបន្ទាន់ » ២/-ឈ្មោះធឹង ចាន់សារ៉ាន់ ភេទប្រុស អាយុ៣៦ឆ្នាំ ជាអ្នករួមដំណើរនោះ ត្រូវរបួសធ្ងន់ ត្រង់ភ្នែកខាងឆ្វេង និងរយៈប្រអប់ជើងស្តាំ ត្រូវបានក្រុមគ្រួពេទ្យ ចាត់ចែង ភ្លាមៗផងដែរ តាមបញ្ជារបស់លោក វេជ្ជបណ្ឌិត ក្រួស សារ៉ាត់ ប្រធានមន្ទីរសុខាភិបាលខេត្ត។
ប្រភពបន្តថា ដោយមានការយកចិត្តទុកដាក់ពីសំណាក់ អ្នកឧកញ៉ា បណ្ឌិត សៀង ណាំ អ្នកតំណាងរាស្ត្រមណ្ឌលសៀមរាប ដែលបានជួយឧបត្ថម្ភនូវថវិកាចំនួន២០០០ដុល្លារ សហរដ្ឋអាមេរិក ដល់ជនរងគ្រោះ ទាំង៣នាក់ ហើយលោក ជំទាវ គួច ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានឧបត្ថម្ភថវិការចំនួន២០០០ដុល្លាបន្ថែម សម្រាប់ការព្យាបាលជំងឺជូនដល់ជនរងគ្រោះទាំង៣នាក់ផងដែរ ។
https://youtu.be/os2OwcwzyXg
ចែករំលែកព័តមាននេះ