ខេត្តស្វាយរៀង ៖ នាព្រឹកថ្ងៃទី១០ វិច្ឆិកា ១០១៧នេះ នៅសាលប្រជុំសាលាខេត្តស្វាយរៀងដោយមានការអញ្ជើញចូលរួមពីសំណាក់លោក ម៉ែន វិបុល អភិបាលនៃគណៈអភិបាលខេត្ត លោកស្នងការនគបាលខេត្ត…
ខេត្តស្វាយរៀង ៖ នាព្រឹកថ្ងៃទី១០ វិច្ឆិកា ១០១៧នេះ នៅសាលប្រជុំសាលាខេត្តស្វាយរៀងដោយមានការអញ្ជើញចូលរួមពីសំណាក់លោក ម៉ែន វិបុល អភិបាលនៃគណៈអភិបាលខេត្ត លោកស្នងការនគបាលខេត្ត លោកមេបញ្ជាការបញ្ជាការរង កងរាជអាវុធហត្ថខេត្ត លោកមេបញ្ជាការតំបន់ប្រិតបត្តិការសឹករងស្វាយរៀង លោកលោកស្រី ប្រធានអនុប្រធានមន្ទីរជុំវិញខេត្ត អភិបាលក្រុង/ស្រុក សរុបប្រមាណ១០០នាក់។ លោកនាយឧត្តមសេនីយ៍សន្តិបណ្ឌិត ឯម សំអាន មានប្រសាសន៍ថា នៅខេត្តស្វាយរៀងមានកាស៊ីណូដែលស្របច្បាប់ចេញដោយក្រសួងសេដ្ឋកិច្ច និងហិរញ្ញវត្ថុតែ២០កាស៊ីណូប៉ុណ្ណោះ ហើយ បើកាស៊ីណូណាមិនទាន់មានច្បាប់ សូមរត់ច្បាប់ទៅខាងក្រសួងដើម្បីចេញអាជ្ញាប័ណ្ណបើកអាជីវកម្ម ហើយបើមិនទាន់បង់ពន្ធជូនរដ្ឋសូមប្រញាប់ទៅបង់ពន្ធ។
លោកសន្តិបណ្ឌិតបញ្ជាក់ទៀតថា ពិសេសអាជ្ញាធរស្រុកខេត្ត យើងត្រូវអប់រំណែនាំប្រជាពលរដ្ឋកុំឲ្យលេងល្បែងខុសច្បាប់ដូចជាល្បែងកន្ទុយលេខ បៀរអាប៉ោង ជាដើម ជាពិសេសល្បែងជល់មាន់តែម្ដង។ មិនតែប៉ុណ្ណោះត្រូវតែហាមឃាត់ប្រជាពលរដ្ឋខ្មែរកុំឲ្យចូលលេងល្បែងកាស៊ីណូ ឬក៏វង់ល្បែងស្របច្បាប់មិនស្របច្បាប់ ទាំងអស់ពីព្រោះពេលដែលលេងល្បែងចាញ់ទៅវានឹងបង្កឲ្យមានការចាប់ជំរិត ឬក៏តាមរូបភាពផ្សេងៗ លួ ប្លន់។ល។
ដែលបង្កឲ្យមានអសន្តិសុខសង្គម ពិសេសគោលនយោបាយភូមិឃុំមានសុវត្ថិភាពផងដែរ។ ចំពោះការលេងល្បែង និងភ្នាល់ខុសច្បាប់ និងលួចលាក់ជាច្រើនកន្លែងនៅក្នុងខេត្តស្វាយរៀង(មានឆ្នោត កន្ទុយលេខ) សូមឲ្យអាជ្ញាធរភូមិឃុំ/សង្កាត់ ក្រុង/ស្រុកក៏ដូចជាសមត្ថកិច្ចនគបាល កងកម្លាំងរាជអាវុធហត្ថមេត្តាចុះទប់ស្កាត់ជាបន្ទាន់ព្រោះវាបង្កឲ្យមានការរីករាលដាលកាន់តែធ្ងន់ធ្ងរ ហើយធ្វើឲ្យប៉ះពាល់យ៉ាងខ្លាំងដល់សន្តិសុខសង្គមក្នុងការរស់នៅរបស់ប្រជាពលរដ្ឋ។ ប្រជាពលរដ្ឋមានការត្រេកអរចំពោះវិធានការបង្ក្រាបល្បែងស៊ីសងនេះ ជាពិសេសនៅតាមមូលដ្ឋានក៏ដូចទីប្រជុំជនកំពុងពេញនិយមគឺល្បែងកន្ទុយលេខ និងល្បែងឆ្នោតវៀតណាម៕
ចែករំលែកព័តមាននេះ