ខេត្តកោះកុង ៖ ពិធីប្រគល់ទទួលស្ពានកោះកុងដាក់ឱ្យប្រជាពលរដ្ឋប្រើប្រាស់ដោយមិនបាច់បង់ថ្លៃត្រូវបានប្រារព្ធឡើងនៅវេលាម៉ោង១០ព្រឹកថ្ងៃទី១០ ខែវិច្ឆិកា ឆ្នាំ២០១៧ រវាងតំណាងក្រុមហ៊ុម LYP គ្រុប និងលោកជំទាវ មិថុនា…
ខេត្តកោះកុង ៖ ពិធីប្រគល់ទទួលស្ពានកោះកុងដាក់ឱ្យប្រជាពលរដ្ឋប្រើប្រាស់ដោយមិនបាច់បង់ថ្លៃត្រូវបានប្រារព្ធឡើងនៅវេលាម៉ោង១០ព្រឹកថ្ងៃទី១០ ខែវិច្ឆិកា ឆ្នាំ២០១៧ រវាងតំណាងក្រុមហ៊ុម LYP គ្រុប និងលោកជំទាវ មិថុនា ភូថង អភិបាលនៃគណៈអភិបាលខេត្តកោះកុងក្រោមអធិបតីភាពលោក ស៊ុន ចាន់ថុល ទេសរដ្ឋមន្ត្រីរដ្ឋមន្ត្រីក្រសួងសាធារណៈការ និងដឹកជញ្ជូន ។
នៅក្នុងរបៀបវីរៈប្រគល់ទទួលស្ពានកោះកុងនោះបន្ទាប់ពីរបាយការណ៍តំណាងក្រុមហ៊ុន LYP ជាម្ចាស់ស្ពានរួចមកស្តីពីការសាងសង់ លោកជំទាវអភិបាលខេត្តបានថ្លែងថា ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន ដែលបានចាត់ទុកវិស័យឯកជនជាដៃគូដ៏សំខាន់មិនអាចខ្វះបានក្នុងការវិនិយោគលើវិស័យនានាសំដៅឱ្យប្រទេសជាតិមានការអភិវឌ្ឍន៍ជាបន្តបន្ទាប់ ។
លោកទេសរដ្ឋមន្ត្រីរដ្ឋមន្ត្រីក្រសួងសាធារណៈការ និងដឹកជញ្ជូនបានថ្លែងដោយសង្កត់ធ្ងន់ថា ក្រោមការដឹកនាំរបស់សម្តេចតេជោ ហ៊ុន សែន រាជរដ្ឋាភិបាលបានយកចិត្តទុកដាក់ខ្ពស់បំផុតបញ្ហាស្ពាន និងផ្លូវមានផ្លូវគឺមានសង្ឃឹម ដូច្នេះផ្លូវជាតិលេខ៤៨ រាជរដ្ឋាភិបាលនឹងមានគំរោងពង្រីកបន្ថែមទៀតដើម្បីបំពេញតំរូវការនៃចរន្តសេដ្ឋកិច្ចនាពេលខាងមុខ ៕
ចែករំលែកព័តមាននេះ