Fellaini បន្ទោសក្រុមហ៊ុនស្បែកជើងថា ស្បែកជើងពាក់មិនកើត
តាមប្រភពព័ត៌មាន The Sun បានឲ្យដឹងថា ខ្សែបម្រើ Marouane Fellaini បានប្តឹងក្រុមហ៊ុនផលិតស្បែកជើង New Balance…
តាមប្រភពព័ត៌មាន The Sun បានឲ្យដឹងថា ខ្សែបម្រើ Marouane Fellaini បានប្តឹងក្រុមហ៊ុនផលិតស្បែកជើង New Balance ទាមទារប្រាក់ជិត៣លានដុល្លារ ដោយពឹងផ្អែកលើហេតុផលថា ស្បែកជើងនោះធ្វើឲ្យខ្លួនលេងធ្លាក់ជើង ។
Marouane បានស្តីបន្ទោសទៅលើស្បែកជើងដែលខ្លួនពាក់ថា ធ្វើឲ្យខ្លួនលេងមិនបានល្អនៅប៉ុន្មានឆ្នាំចុងក្រោយនេះ ។ រូបគេត្រូវបានក្រុមហ៊ុន New Balance ឧបត្ថម្ភទាំងស្បែកជើង និងឯកសណ្ឋានកីឡា។ តែរូបគេបានប្តឹងក្រុមហ៊ុននេះទាមទារប្រាក់ជិត៣លានដុល្លារ ដោយបន្ទោសថា ស្បែកជើងនេះគ្មានគុណភាព ។
រូបគេបានរអ៊ូថា ពេលពាក់ស្បែកជើងនេះម្តងៗ ធ្វើឲ្យរូបគេបាត់បង់ទំនុកចិត្ត និងធ្វើឲ្យលេងមិនបានល្អ ។ ចំណែកឯខាងក្រុមហ៊ុនបានលើកឡើងថា កីឡាករនេះតែងតែសរសើររាល់ពេលខាងក្រុមហ៊ុនសួរនាំពីគុណភាពស្បែកជើងរបស់ខ្លួន ។ តែស្រាប់តែពេលនេះ ទៅជាប្តឹងទៅវិញ ៕
ចែករំលែកព័តមាននេះ