ប្រទេសប៉ាគីស្ថាន ៖ ប៉ូលិសរាយការណ៍ថា មនុស្សយ៉ាងតិច២២នាក់ស្លាប់ ហើយ៥១នាក់ទៀតរងរបួសកាលពីយប់ថ្ងៃទី៨ វិច្ឆិកា ខណៈរថយន្តបឺសដឹកអ្នកដំណើរមួយគ្រឿងក្រឡាប់ធ្លាក់ក្នុងជ្រោះមួយនៅស្រុក ATTOCK ខេត្ត PUNDJAB…
ប្រទេសប៉ាគីស្ថាន ៖ ប៉ូលិសរាយការណ៍ថា មនុស្សយ៉ាងតិច២២នាក់ស្លាប់ ហើយ៥១នាក់ទៀតរងរបួសកាលពីយប់ថ្ងៃទី៨ វិច្ឆិកា ខណៈរថយន្តបឺសដឹកអ្នកដំណើរមួយគ្រឿងក្រឡាប់ធ្លាក់ក្នុងជ្រោះមួយនៅស្រុក ATTOCK ខេត្ត PUNDJAB ភាគខាងកើតប៉ាគីស្ថាន។
គ្រោះថ្នាក់នេះកើតមាននាវេលាម៉ោង២២ម៉ោងក្នុងស្រុកក្នុងតំបន់ DHOK PATHAN ។
មនុស្សយ៉ាងតិច១៨នាក់ស្លាប់នៅនឹងកន្លែង ហើយ៤នាក់ទៀតស្លាប់នៅមន្ទីរពេទ្យ ព្រោះរបួសធ្ងន់ពេក ។ អ្នកទទួលខុសត្រូវមន្ទីរពេទ្យម្នាក់និយាយថា តុល្យការជនរងគ្រោះស្លាប់អាចមានខ្ពស់ជាងនេះទៀត ដោយអ្នករបួស៧នាក់កំពុងស្ថិតក្នុងស្ថានភាពដុនដាប ។ រថយន្តបឺសនេះដឹកអ្នកដំណើរដល់ទៅ៨២នាក់ ដែលទៅចូលរួមក្នុងពិធីបុណ្យសាសនាមួយឯទីក្រុងឡាហ័រ ទីប្រជុំជនខេត្ត ។
អ្នកទទួលខុសត្រូវប៉ូលិសម្នាក់ថ្លែងថា អ្នកបើកបររថយន្តនេះមានបទពិសោធន៍មិនគ្រប់គ្រាន់ ហើយបាត់បង់ការគ្រប់គ្រងរថយន្តត្រង់ផ្លូវកោង រួមតូចមួយពេលរថយន្តកំពុងតែលឿន ។
យោងតាមបណ្តាទិន្នន័យផ្លូវការផ្តល់ដោយការិយាល័យស្ថិតិប៉ាគីស្ថានថា ក្នុង១ឆ្នាំៗក្នុងប្រទេសនេះមានគ្រោះថ្នាក់ចរាចរណ៍ប្រមាណជា៩.០០០លើក ចាប់តាំងពីឆ្នាំ២០១១មក បណ្តាលឱ្យមនុស្សស្លាប់គិតជាមធ្យមជាង៤.៥០០នាក់ក្នុងមួយឆ្នាំ ៕
ចែករំលែកព័តមាននេះ