តាមប្រភពព័ត៌មាន Sport English បានឲ្យដឹងថា ក្លឹបអ្នកមានបុណ្យ Barcelona មានចំណាប់អារម្មណ៍ចង់ដណ្តើមយកខ្សែប្រយុទ្ធសញ្ជាតិបារាំង Antoine Griezmann ពីក្លឹប Atletico Madrid។
តម្លៃខ្លួនទិញផ្តាច់កុងត្រារបស់កីឡាករម្នាក់នេះមានតម្លៃ១១៥លានដុល្លារដែលក្លឹប Barcelona គិតថា ជាតម្លៃសមរម្យអាចទទួលយកបានមកឲ្យចូលក្លឹបរបស់ខ្លួន ។ នៅកាលពីដើមរដូវកាលតម្លៃខ្លួនរបស់ Antoine មានតម្លៃថ្លៃជាងពីរដងធៀបនឹងពេលនេះ ។ Barcelona ធ្លាប់គិតថាយក Antoine មកជំនួសកន្លែង Neymar ម្តងដែរ ក្រោយពេល Neymar ហោះទៅទ្រនំថ្មីដែលហ៊ានឲ្យថ្លៃខ្ពស់កប់ពពក ។
គួរបញ្ជាក់ផងដែរថា កីឡាករ Antoine មិនសូវជាលេងបានល្អទេចាប់តែពីដើមរដូវកាលមក ព្រោះអីគេរកបានតែ៣គ្រាប់តែប៉ុណ្ណោះនៅក្នុងការប្រកូតក្របខ័ណ្ឌ La Liga និង Champions League ។ វាហាក់បីដូចជា Antoine កំពុងគិតចង់ទៅក្លឹបដទៃ ។ Barcelona អាចនឹងសម្រេចចិត្តយករូបគេមកដាក់ចូលប្រកួតជាមួយនឹង Messi, Suarez និង Ousmane Dembele ៕
ចែករំលែកព័តមាននេះ