សម្តេច ហ៊ុន សែន ៖ «បើមិនរំលាយ ស៊ីតែ ១ បើអត់រំលាយសង ១០០»
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបបួលលោក សម រង្ស៊ី អតីតមេបក្សប្រឆាំងភ្នាល់គ្នាថា…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបបួលលោក សម រង្ស៊ី អតីតមេបក្សប្រឆាំងភ្នាល់គ្នាថា តើគណបក្សសង្គ្រោះជាតិនឹងត្រូវរំលាយឬយ៉ាងណា? បន្ទាប់ពីអតីតមេបក្សប្រឆាំងរូបនេះ បន្តភូតភរនៅក្រៅប្រទេសថា គណបក្សប្រឆាំងនឹងមិនត្រូវបានរំលាយនោះទេ។
សម្តេចតេជោ មានប្រសាសន៍ថា៖ «បើមិនរំលាយ ស៊ីតែ ១ បើអត់រំលាយសង ១០០» ។ សម្តេចបានលើកឡើងបែបនេះនៅឯពិធីជួបសំណេះសំណាលជាមួយកូនៗ ក្មួយកម្មករ កម្មការិនីជាង ១៤.០០០នាក់ មកពីរោងចក្រចំនួន២០ នៅតំបន់ចំការដូង ក្នុងខណ្ឌដង្កោ រាជធានីភ្នំពេញ នាថ្ងៃទី ៨ វិច្ឆិកានេះ។
សម្តេចបានបញ្ជាក់ថា ខណៈដែលសម្តេចស្នើឱ្យថ្នាក់ដឹកនាំមូលដ្ឋានដែលជាប់ជាមេឃុំ-ចៅសង្កាត់ ក៏ដូចជាអ្នកតំណាងរាស្ត្រមកពីបក្សប្រឆាំងមករួមរស់ជាមួយគណបក្សប្រជាជនកម្ពុជានោះ លោក សម រង្ស៊ី ដែលកំពុងតែរស់នៅក្រៅប្រទេសគេចវេសពីទោសទណ្ឌជាប់ពន្ធនាគារនោះ បែរជាបន្តឃោសនាថា គណបក្សសង្គ្រោះជាតិនឹងមិនត្រូវរំលាយទេ ។
សម្តេចបានបញ្ជាក់៖ «ស្គាល់ ហ៊ុន សែន ស្ទើរភ្លើង គេសិក្សាផ្លូវច្បាប់ច្បាស់ណាស់ […] ហើយខ្លួនមិនដាក់មេធាវីទៀត អញ្ចឹងគឺនីតិវិធីនឹងធ្វើបានលឿន»៕
ចែករំលែកព័តមាននេះ