ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់ត្រូវបានគេឃាត់ខ្លួននៅស្ថានីយសន្តិសុខ នៅព្រលានយន្តហោះ Kunming ដោយសារតែគេឆែកឃើញមានអាវសុវត្ថិភាពនៅក្នុងវ៉ាលីស។
នៅពេលសន្តិសុខសួរនាំ បុរសម្នាក់នោះបានឆ្លើយតបមកនូវចម្លើយដ៏គួរឲ្យហួសចិត្ត។
គាត់ស្មានតែវាជារបស់ Free ដូចកន្សែងជូតមុខ និងរបស់ផ្សេងទៀតលើយន្តហោះដែរ។ ម្យ៉ាងវិញទៀត គាត់គិតថាគាត់អាចនឹងពាក់វាម្តងទៀត នៅពេលជិះយន្តហោះលើកក្រោយ។
ពិតជាគួរឲ្យអាណិតណាស់ ចម្លើយរបស់បុរសម្នាក់នោះ មិនអាចជួយឲ្យគាត់រួចទោសបានឡើយ។ គាត់ត្រូវប្រឈមនឹងការជាប់ពន្ធនាគាររយៈពេល១៥ថ្ងៃ និងបង់ប្រាក់ផាកពិន័យ១.០០០យន់។
គួរបញ្ជាក់ផងដែរថា ករណីនេះមិនមែនជាករណីកើតឡើងលើកទីមួយនោះទេ។ កាលពីឆ្នាំ២០១៥ មានលោកយាយម្នាក់អាយុ៦៤ឆ្នាំ បានយកអាវសុវត្ថិភាពនេះ ពីជើងហោះហើរនៅហុងកុង។ គាត់គិតថា វាជាវត្ថុអនុស្សាវរីយ៍នៅពេលធ្វើដំណើរ។ លោកយាយត្រូវឲ្យបង់ប្រាក់ចំនួន២.០០០ដុល្លារ ក្រោយពេលឡើងតុលាការ៕
ចែករំលែកព័តមាននេះ