សហរដ្ឋអាមេរិក-ប្រទេសកូរ៉េខាងជើង ៖ ក្នុងរបាយការណ៍មួយផ្ញើជូនសេតវិមាន មន្ទីរប៉ង់តាហ្គោនបង្ហាញគម្រោងមួយដែលគ្រោងសម្រាប់កម្ទេចអាវុធនុយក្លេអ៊ែររបស់កូរ៉េខាងជើងតាមរយៈការវាយលុកខាងជើងគោកចូលប្រទេសនេះ ដែលបែបនោះអាចនឹងបណ្តាលឱ្យមនុស្សស្លាប់ច្រើនពាន់នាក់ ឬច្រើនលាននាក់នៅឧបទ្វីបកូរ៉េ និងបណ្តាតំបន់ជិតខាង ។ ដូចការបញ្ជាក់របស់ឧត្តមនាវី MICHAEL…
សហរដ្ឋអាមេរិក-ប្រទេសកូរ៉េខាងជើង ៖ ក្នុងរបាយការណ៍មួយផ្ញើជូនសេតវិមាន មន្ទីរប៉ង់តាហ្គោនបង្ហាញគម្រោងមួយដែលគ្រោងសម្រាប់កម្ទេចអាវុធនុយក្លេអ៊ែររបស់កូរ៉េខាងជើងតាមរយៈការវាយលុកខាងជើងគោកចូលប្រទេសនេះ ដែលបែបនោះអាចនឹងបណ្តាលឱ្យមនុស្សស្លាប់ច្រើនពាន់នាក់ ឬច្រើនលាននាក់នៅឧបទ្វីបកូរ៉េ និងបណ្តាតំបន់ជិតខាង ។
ដូចការបញ្ជាក់របស់ឧត្តមនាវី MICHAEL DUMONT នាយសេនាធិការរងកងទ័ពអាមេរិក មធ្យោបាយតែមួយគត់ ដើម្បីតាមរក និងកម្ទេចអាវុធនុយក្លេអ៊ែរកូរ៉េខាងជើងនឹងអាចធ្វើបានល្អតាមរយៈការលុកលុយខាងជើងគោកមួយ ។ នេះជាការលាតត្រដាងរបស់កាសែត TAMPA BAY TIMES ដែលដកស្រង់ខ្លឹមសារនៃសារលិខិតនេះរបស់មន្ទីរប៉ង់តាហ្គោន ។
របាយការណ៍នេះត្រូវបានរៀបរៀងតាមសំណើរបស់សភាអាមេរិក ពិសេសសមាជិកសភាគណបក្សប្រជាធិបតេយ្យលោក TED LIEU និងលោក RUBEN GALLEGO ។
ក្នុងសារលិខិតមួយបណ្តាសមាជិកសភាអាមេរិកនិយាយថា យើងពុំបានធ្វើការវិភាគដោយលម្អិតលើការបាត់បង់របស់សហរដ្ឋអាមេរិក ឬរបស់បណ្តាសម្ព័ន្ធមិត្ត និងលើជនរងគ្រោះស៊ីវិល ឬលើគម្រោងនានាដែលសំដៅគ្រប់គ្រងសភាពការណ៍ ក្រោយការវាយប្រហារជាយថាហេតុមួយ ក្នុងនោះរួមមានការរស់រាននៃរដ្ឋាភិបាលកូរ៉េខាងត្បូងផង ។
យោងតាមមន្ទីរប៉ង់តាហ្គោនថា ចំនួនមនុស្សស្លាប់ដោយការការលុកលុយខាងជើងគោកមួយអាចមានដល់ច្រើនពាន់នាក់ ឬច្រើនលាននាក់ ។
ម្យ៉ាងទៀត តាមរបាយការណ៍នេះថា ក្នុងករណីមានជម្លោះអាជ្ញាធរកូរ៉េខាងជើងអាចប្រើអាវុធជីវសាស្ត្រ ឬគីមីទៀតផង ៕
ចែករំលែកព័តមាននេះ