ខេត្តព្រះសីហនុ ៖ សេចក្តីរាយករណ៍បឋមឱ្យដឹងថា រថយន្តម៉ាកហាយឡិនឌ័រ២គ្រឿង បានបុកគ្នាយ៉ាងពេញទំហឹង ដែលអ្នកបើកបរម្ខាងជាជនជាតិចិន និងម្ខាងទៀតមានអ្នកដំណើរ សុទ្ធតែជនជាតិវៀតណាម បណ្តាលពួកគេរងរបួសធ្ងន់-ស្រាល ។…
ខេត្តព្រះសីហនុ ៖ សេចក្តីរាយករណ៍បឋមឱ្យដឹងថា រថយន្តម៉ាកហាយឡិនឌ័រ២គ្រឿង បានបុកគ្នាយ៉ាងពេញទំហឹង ដែលអ្នកបើកបរម្ខាងជាជនជាតិចិន និងម្ខាងទៀតមានអ្នកដំណើរ សុទ្ធតែជនជាតិវៀតណាម បណ្តាលពួកគេរងរបួសធ្ងន់-ស្រាល ។ ហេតុការណ៍នេះ កើតឡើងកាលពីវេលាម៉ោង០១ និង២០នាទីរសៀលថ្ងៃទី០៦ វិច្ឆិកា នេះ ស្ថិតតាមបណ្តោយផ្លូវជាតិលេខ៤ ចន្លោះគីឡូម៉ែត្រ១៥៧-១៥៨ ក្នុងភូមិមនោរម្យ ឃុំតានៃ ស្រុកព្រៃនប់ ខេត្ត ព្រះសីហនុ ។
សេចក្តីរាយការណ៍បន្តថា រថយន្តទាំង២គ្រឿង គឺធ្វើដំណើរបញ្ច្រាសគ្នាដោយរថយន្តមួយគ្រឿង ពណ៌.ស្ករ ស្លាកលេខភ.ព ២AG០១១៤ មានទិសដៅពីភ្នំពេញ ទៅកំពង់សោម ។ អ្នកបើកបរឈ្មោះ HAO LAIPING ភេទប្រុស អាយុ៤២ឆ្នាំ ជនជាតិចិន ស្នាក់នៅខេត្តព្រះសីហនុ (រងរបួសស្រាល) ។
ប្រភពបន្តថា លុះបើកមកដល់ចំណុចកើតហេតុ រថយន្តខាងលើ ក៏បានជ្រុលបុកជាមួយរថយន្តមួយគ្រឿងពណ៌ស្លែ ស្លាកលេខ ភ.ព ២AQ-៣១៣៦ ដែលបើកបកឈ្មោះយឹម វុទ្ធី ភេទប្រុស អាយុ៣៩ឆ្នាំ មានទីលំនៅក្នុងភូមិព្រៃព្រីង សង្កាត់ចោមចៅ ភ្នំពេញ (របួសស្រាល) និងមានអ្នកដំណើរម្នាក់ឈ្មោះ NGUYEN XUANBINH ភេទប្រុស អាយុ៤៨ឆ្នាំ ជនជាតិវៀតណាម មានទីលំនៅ ទីក្រុងហាណូយ ប្រទេសវៀតណាម(រងរបួសធ្ងន់) ។
ចែករំលែកព័តមាននេះ