ខេត្តកណ្តាល ៖ យ៉ាងហោចណាស់ក៏មានមនុស្ស២នាក់បានរងរបួសធ្ងន់ស្រាល ក្នុងករណីគ្រោះថ្នាក់ចរាចររវាងរថយន្តបុកជាមួយរថយន្ត កាលវេលាម៉ោង០០និង២០នាទី ថ្ងៃទី០៥ ខែវិច្ឆកា ឆ្នាំ២០១៧ នៅលើកំណាត់ផ្លូវជាតិលេខ១ ត្រង់ចំណុចចន្លោះគីឡូម៉ែត្រលេខ៣០-៣១…
ខេត្តកណ្តាល ៖ យ៉ាងហោចណាស់ក៏មានមនុស្ស២នាក់បានរងរបួសធ្ងន់ស្រាល ក្នុងករណីគ្រោះថ្នាក់ចរាចររវាងរថយន្តបុកជាមួយរថយន្ត កាលវេលាម៉ោង០០និង២០នាទី ថ្ងៃទី០៥ ខែវិច្ឆកា ឆ្នាំ២០១៧ នៅលើកំណាត់ផ្លូវជាតិលេខ១ ត្រង់ចំណុចចន្លោះគីឡូម៉ែត្រលេខ៣០-៣១ ស្ថិតភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល ។
យោងតាមរបាយការណ៍របស់សមត្ថកិច្ចបានបញ្ជាក់ឲ្យដឹងថា ករណីនេះបង្កឡើងដោយរថយន្ត TOYOTACAMRY ពណ៌ស ពាក់ស្លាកលេខ នគរបាល ២-១២៨០ បើកបរដោយជនមិនស្គាល់អត្តសញ្ញាណ បើកបរក្នុងទិសដៅពីអ្នកលឿងទៅភ្នំពេញ ។ លុះបើកមកដល់ចំណុចខាងលើ បានបុកជាមួយរថយន្តម៉ាក TOYOTACAMRY ពណ៌បៃតងចាស់ ពាក់ស្លាកលេខ ភ្នំពេញ ២C-៨៨៨៤ បើកបរក្នុងទិសដៅផ្ទុយគ្នា បណ្តាលឲ្យមនុស្សរងរបួសធ្ងន់ស្រាល២នាក់ មិនទាន់ស្គាល់អត្តសញ្ញាណ ព្រោះត្រូវរថយន្តសង្គ្រោះបានដឹកបញ្ជូនទៅព្យាបាលនៅមន្ទីរពេទ្យភ្នំពេញ មុនពេលនគរបាលជំនាញចុះទៅដល់កន្លែងកើតហេតុ ។ រថយន្តទាំង២គ្រឿងត្រូវសមត្ថកិច្ចធ្វើការវាស់វែងចាត់ការតាមនីតិវិធី ៕
ចែករំលែកព័តមាននេះ