រាជធានីភ្នំពេញ ៖ ចោរលួចម៉ូតូម្នាក់យកទៅបាត់កន្លះខែ ចៃដន្យអីត្រូវម្ចាស់ម៉ូតូតាមទាន់ស្រែកថាចោរៗ ទើបចោរភ័យស្លន់ស្លោពេកក៏រត់ឡើងលើសួនច្បារ ត្រូវប្រជាពលរដ្ឋព្រួតវាយមួយដៃមួយជើង បណ្តាលឲ្យរងរបួសធ្ងន់យ៉ាងដំណំ ហេតុការណ៍នេះបានកើតឡើងកាលពីវេលាម៉ោង០៨និង៤០នាទីយប់ ថ្ងៃទី០៥ ខែវិច្ឆិកា…
រាជធានីភ្នំពេញ ៖ ចោរលួចម៉ូតូម្នាក់យកទៅបាត់កន្លះខែ ចៃដន្យអីត្រូវម្ចាស់ម៉ូតូតាមទាន់ស្រែកថាចោរៗ ទើបចោរភ័យស្លន់ស្លោពេកក៏រត់ឡើងលើសួនច្បារ ត្រូវប្រជាពលរដ្ឋព្រួតវាយមួយដៃមួយជើង បណ្តាលឲ្យរងរបួសធ្ងន់យ៉ាងដំណំ ហេតុការណ៍នេះបានកើតឡើងកាលពីវេលាម៉ោង០៨និង៤០នាទីយប់ ថ្ងៃទី០៥ ខែវិច្ឆិកា ឆ្នាំ២០១៧ តាមបណ្តោយផ្លូវព្រះស៊ីសុវត្ថិ នៅចំណុចលើសួនច្បារណាហ្គាវើរ ស្ថិតនៅក្នុងសង្កាត់ទន្លេបាក់ ខណ្ឌចំការមន ។
ជនសង្ស័យដែលព្រួតវាយ មានឈ្មោះ យី ថា អាយុ៣១ឆ្នាំ មានមុខរបរអ្នករើសអេតចាយ ស្នាក់នៅមិនពិតប្រាកដ ។ ចំណែកឯស្ត្រីរងគ្រោះវិញមានឈ្មោះ ថេង ស្រីនី ភេទស្រី អាយុ១៧ឆ្នាំ ស្នាក់នៅមុខណាហ្គាវើរ ។ តាមប្រភពព័ត៌មានពីជនរងគ្រោះបានឲ្យដឹងថា មុនពេលកើតហេតុកន្លះខែគាត់បានទុកម៉ូតូរបស់គាត់ម៉ាកគុបជ្រុង នៅមុខឌ្រីមលែន ហើយបានសម្រាកមួយភ្លែត ងើបមកវិញ ស្រាប់តែបាត់ម៉ូតូរបស់គាត់ លុះពេលមកដល់ថ្ងៃកើតហេតុខាងលើ ក៏ស្រាប់តែឃើញជនសង្ស័យខាងលើជិះម៉ូតូឌុបនៅមុខណាហ្គាវើរ ជនរងគ្រោះបានស្រែកថាចោរៗ ទើបជនសង្ស័យភ័យស្លន់ស្លោពេកក៏រត់ទៅលើសួនច្បារណាហ្គាវើរ ត្រូវប្រជាពលរដ្ឋចាប់បានស្វាគមន៍មួយដៃមួយជើង បណ្តាលឲ្យរងរបួសយ៉ាងដំណំ រួចប្រគល់ទៅឲ្យខាងសមត្ថកិច្ចប៉ុស្តិ៍ទន្លេបាសាក់យកទៅសួរនាំ ។
ក្រោយពេលទៅដល់ប៉ុស្តិ៍នគរបាលទន្លេបាសាក់ រួចជនសង្ស័យមិនបានឆ្លើយសារភាពថាខ្លូនលួចយកម៉ូតូគេនោះទេ គឺរូបគេទើបតែចេញមកពីម្តុំស្ទឹងមានជ័យ មិនដឹងថាខ្លួនបានលួចយកម៉ូតូគេពីកាលណាទេ ។ ក្រោយពេលកើតហេតុ សមត្ថកិច្ចប៉ុស្តិ៍ទន្លេបាសាក់ប្រគល់ទៅឲ្យប៉ុស្តិ៍នគរបាលចតុមុខ ពីព្រោះកើតហេតុនៅទីនោះ ដើម្បីសាកសួរជនសង្ស័យទៅតាមនីតិវិធី ៕
3
ចែករំលែកព័តមាននេះ