ខេត្តកណ្តាល ៖ កម្លាំងសមត្ថកិច្ចប៉ុស្តិ៍នគរបាលរដ្ធបាលសំរោងធំ ស្រុកកៀនស្វាយ ខេត្តកណ្តាល ធ្វើការឃាត់ខ្លួនមុខសញ្ញាជួញដូរគ្រឿងញៀនម្នាក់កាលពីវេលាម៉ោង១០និង៣០នាទីថ្ងៃទី០១ ខែវិច្ឆិកា ឆ្នាំ២០១៧ នៅចំណុចមាត់ទន្លេមេគង្គស្ថិតក្នុងភូមិព្រែកត្រែង២ ឃុំសំរោងធំ…
ខេត្តកណ្តាល ៖ កម្លាំងសមត្ថកិច្ចប៉ុស្តិ៍នគរបាលរដ្ធបាលសំរោងធំ ស្រុកកៀនស្វាយ ខេត្តកណ្តាល ធ្វើការឃាត់ខ្លួនមុខសញ្ញាជួញដូរគ្រឿងញៀនម្នាក់កាលពីវេលាម៉ោង១០និង៣០នាទីថ្ងៃទី០១ ខែវិច្ឆិកា ឆ្នាំ២០១៧ នៅចំណុចមាត់ទន្លេមេគង្គស្ថិតក្នុងភូមិព្រែកត្រែង២ ឃុំសំរោងធំ ។
មុខសញ្ញាដែលសមត្ថកិច្ចឃាត់ខ្លួនឈ្មោះ ឡាច ម៉េងលាង ភេទប្រុស អាយុ១៧ឆ្នាំ ជនជាតិខ្មែរ មុខរបរជួញដូរគ្រឿងញៀន មានទីលំនៅភូមិស្ទឹង២ ឃុំសំរោងធំ ស្រុកកៀនស្វាយ ។
តាមរបាយការណ៍បានឲ្យដឹងថា ខណៈកម្លាំងនគរបាលប៉ុស្តិ៍កំពុងល្បាតតាមមូលដ្ឋានដើម្បីការពារសន្តិសុខសណ្តាប់ធ្នាប់ជូនប្រជាពលរដ្ឋក្នុងភូមិសាស្ត្រខាងលើបានប្រទះឃើញមុខសញ្ញាគួរឲ្យសង្ស័យក៏ហៅឲ្យឈប់រួចធ្វើការឆែកឆេររកឃើញម្សៅក្រាមសថ្លាប្រភេទ(ម៉ាទឹកកក) ចំនួន២២កញ្ចប់តូចនៅក្នុងហោប៉ៅខោខាងមុខ និងទូរស័ព្ទដៃម៉ាកណូគារមួយគ្រឿងក៏ធ្វើការឃាត់ខ្លួននាំយកមកប៉ុស្តិ៍ដើម្បីធ្វើការសាកសួរ ។
នៅចំពោះមុខសមត្ថកិច្ចមុខសញ្ញាបានឆ្លើយសារភាពថា ថ្នាំញៀននេះគឺរូបគេបានទិញពីបុរសម្នាក់ឈ្មោះ ថា នៅម្តុំបឹងត្របែក រាជធានីភ្នំពេញ ដើម្បីយកមកលក់បន្តក៏ត្រូវសមត្ថកិច្ចឃាត់ខ្លួនតែម្តង ។ បច្ចុប្បន្នមុខសញ្ញា និងវត្ថុតាងថ្នាំញៀនត្រូវបាននគរបាលប៉ុស្តិ៍សំរោងធំកសាងសំណុំរឿងបញ្ជូនទៅអធិការដ្នាននគរបាលស្រុកចាត់ការបន្តតាមនីតិវិធីច្បាប់ ៕
ចែករំលែកព័តមាននេះ