រាជធានីភ្នំពេញ ៖ ថ្ងៃនេះជាថ្ងៃទី២ ក្នុងឱកាសនៃព្រះរាជពិធីបុណ្យអុំទូកអកអំបុក សំពះព្រះខែ និងបណ្ដែតប្រទីប។ ភាពសប្បាយរីករាយរបស់បងប្អូនប្រជាពលរដ្ឋខ្មែរយ៉ាងច្រើនកុះករ បាននាំគ្នាមកលេងកម្សាន្តក្នុងពីធីមួយនេះ ដែលជាព្រះរាជពិធីតាំងពីយូរលង់ណាស់មកហើយរបស់ជនជាតិខ្មែរយើង។
ជាមួយគ្នានេះដែរគេសង្កេតឃើញថា កម្លាំងសមត្ថកិច្ចបានរៀបចំសណ្ដាប់ធ្នាប់ ដោយមិនឲ្យយានយន្តចូលក្នុងរាជធានីឡើយ ចៀសវាងការកកស្ទះចរាចរណ៍។ ក្នុងនោះគេឃើញមានបងប្អូនមួយចំនួនដែលមានកន្លែងផ្ញើម៉ូតូ កំពុងត្រូវប៉ាន់ ដោយម៉ូតូ១គ្រឿងតាមកន្លែងផ្សេងៗគ្នា មានតម្លៃ៤ពាន់រៀល ៥ពាន់រៀល មានកន្លែងខ្លះទៀតយករហូតដល់ម៉ូតូ១គ្រឿងតម្លៃ១ម៉ឺនរៀលឯណោះ។
សកម្មភាពទាំងអស់នេះធ្វើឲ្យប្រជាពលរដ្ឋមួយចំនួនមិនសប្បាយចិត្តទាល់តែសោះ ព្រោះថាជាទង្វើឆ្លៀតឱកាស ត្រីងៀតឆ្លៀតពង ឬកោមិនដាក់ទឹក នេះបានហៅថាខ្មែរ មិនយល់ខ្មែរមែន៕
ចែករំលែកព័តមាននេះ