ប្រទេសចិន ៖ តាមប្រភពព័ត៌មាន Shanghaiist បានឲ្យដឹងថា លោកយាយចាស់អាយុ៨៣ឆ្នាំម្នាក់ បានសម្លាប់កូនរបស់ខ្លួនចោលព្រោះតែខ្លាចកូនប្រុសលំបាកក្រោយពេលខ្លួនស្លាប់ចោលមុន ។ លោកយាយ Huang…
ប្រទេសចិន ៖ តាមប្រភពព័ត៌មាន Shanghaiist បានឲ្យដឹងថា លោកយាយចាស់អាយុ៨៣ឆ្នាំម្នាក់ បានសម្លាប់កូនរបស់ខ្លួនចោលព្រោះតែខ្លាចកូនប្រុសលំបាកក្រោយពេលខ្លួនស្លាប់ចោលមុន ។ លោកយាយ Huang អាយុ៨៣ឆ្នាំ បានចូលខ្លួនមកប៉ូលិស ក្រោយបានសម្លាប់ជីវិតកូនប្រុសពិការអាយុ៤៦ឆ្នាំ ។ គាត់បានប្រាប់ទៅតុលាការថា ការសម្លាប់នេះមិនមែនមកពីគាត់ស្អប់កូនប្រុសនោះទេ ។ នេះមកពីគាត់ខ្លាចកូនលំបាកគ្មានអ្នកមើលថែរក្សាក្រោយពេលគាត់ស្លាប់ទៅបាត់ ។
ក្រោយពីបង្ខំញាត់ថ្នាំងងុយដេក៦០គ្រាប់ចូលក្នុងមាត់កូនប្រុសគាត់បានយកក្រណាត់ញ៉ុកច្រមុះហើយចង.កបន្ថែមទៀត ។ ហេតុការណ៍សម្លាប់នេះធ្វើឡើងនៅថ្ងៃទី៩ ខែឧសភា ឆ្នាំ២០១៧ ទើបតែពេលនេះទើបលោកយាយបានឡើងតុលាការ ។ លោកយាយប្រាប់ទៅតុលាការថា លោកយាយធ្វើនេះមកពីលោកយាយឈឺធ្ងន់នៅពេលប៉ុន្មានឆ្នាំក្រោយនេះ ហើយខ្លាចថា ស្លាប់ចោលកូនប្រុសពិការដែលមិនអាចបម្រើខ្លួនឯងបាន ។ ដោយសារតែខ្លាចបែបនេះហើយទើបលោកយាយមិនចង់ឲ្យកូនប្រុសរស់ដោយវេទនា ។
ទោះបីជាលោកយាយសម្លាប់ដោយក្តីអាណិតក៏ដោយក៏តុលាការសម្រេចដាក់ពន្ធនាគារលោកយាយ៣ឆ្នាំ ។ តុលាការថា ទោះបីជាអ្នកជាម្តាយឪពុកក៏ដោយក៏គ្មានសិទ្ធិអាចបញ្ចប់ជីវិតកូនបានឡើយព្រោះសិទ្ធិក្នុងការរស់រានមានជីវិតគឺជាសិទ្ធិចម្បងរបស់មនុស្ស ៕
ចែករំលែកព័តមាននេះ