ខេត្តបន្ទាយមានជ័យ ៖ ជនរងគ្រោះម្នាក់ត្រូវជនមិនស្គាល់មុខបាញ់ត្រូវ៣គ្រាប់ស្លាប់នៅពេលដែលឈ្លោះប្រកែកគ្នានៅពេលរាំធុងបាស់ក្នុងវត្តដូនណូយកាលពីយប់ម៉ោង១១កាលពីថ្ងៃទី៣០ ខែតុលា ឆ្នាំ២០១៧ ស្ថិតភូមិពន្លៃថ្មី ឃុំទ្រាស ស្រុកស្វាយចេក ។
លោកវរសេនីយ៍ទោ ជ័យ សុកា មេបញ្ជាការកងរាជអាវុធហត្ថស្រុកស្វាយចេកបានប្រាប់ថា ជនរងគ្រោះដែលត្រូវជនមិនស្គាល់មុខបាញ់បណ្តាលស្លាប់នឹងកន្លែងមានឈ្មោះ ឆាយ រស្មី ភេទប្រុស អាយុ១៩ឆ្នាំ រស់នៅភូមិដូនណូយ ឃុំទ្រាស ស្រុកស្វាយចេក ។ លោកបានបញ្ជាក់ថា តាមសំដីអ្នកឃើញហេតុការណ៍បានឱ្យដឹង គឺមុនពេលបាញ់សំលាប់ជនរងគ្រោះមានពិធីបុណ្យនៅវត្តដូនណូយហើយរាំធុងបាស់ហើយនៅអំឡុងម៉ោងប្រមាណ១១យប់ក្នុងវង់ធុងបាស់ដែលកំពុងរាំ ស្រាប់តែមានទំនាស់ពាក្យសំដីសំលេងខ្លាំងហើយភ្លាមៗនោះបានស្រែកឆោឡោឡើងមានជនរងគ្រោះម្នាក់ត្រូវជនមិនស្គាល់មុខមួយក្រុមបាញ់បណ្តាលស្លាប់នៅនឹងកន្លែងហើយផ្អើលព្រោងព្រាតអស់ ។
លោកវរសេនីយ៍ទោ ជ័យ សុកា បានបញ្ជាក់ថា ក្រោយពេលទទួលព័ត៌មានភ្លាមៗពីប្រជាការពារភូមិយាមក្នុងពិធីរាំធុងបាស់ហើយកម្លាំងជំនាញចុះទៅពិនិត្យជនរងគ្រោះបណ្តាលស្លាប់ដោយត្រូវ៣គ្រាប់ ១គ្រាប់ចំទងត្រចៀកខាងឆ្វេង១គ្រាប់ គ្រាប់ទី២ចំ.កខាងឆ្វេងមួយគ្រាប់ គ្រាប់ទី៣ចំគល់ថ្គាមខាងឆ្វេងបណ្តាលឱ្យស្លាប់នឹងកន្លែងភ្លាមៗតែម្តង ៕
ចែករំលែកព័តមាននេះ