នារាត្រីដ៏ក្តៅគគុកនេះ Napoli ដែលជាក្រុមលេខ១នៃក្របខ័ណ្ឌអ៊ីតាលីស៊េរីA នឹងបើកកីឡដ្ឋានរបស់ខ្លួនស្វាគមន៍ក្រុមកំពូលតារាងមកពីក្របខ័ណ្ឌអង់គ្លេសប្រឺមីញេលីគ Man City ដើម្បីដណ្តើម៣ពិន្ទុបន្ថែម សម្រាប់ធានាកៅអីឡើងទៅវគ្គបន្ត ។ ចាប់តាំងពីបើករដូវកាលថ្មីនៃការប្រកួតក្នុងលីគមក…
នារាត្រីដ៏ក្តៅគគុកនេះ Napoli ដែលជាក្រុមលេខ១នៃក្របខ័ណ្ឌអ៊ីតាលីស៊េរីA នឹងបើកកីឡដ្ឋានរបស់ខ្លួនស្វាគមន៍ក្រុមកំពូលតារាងមកពីក្របខ័ណ្ឌអង់គ្លេសប្រឺមីញេលីគ Man City ដើម្បីដណ្តើម៣ពិន្ទុបន្ថែម សម្រាប់ធានាកៅអីឡើងទៅវគ្គបន្ត ។
ចាប់តាំងពីបើករដូវកាលថ្មីនៃការប្រកួតក្នុងលីគមក Napoli មិនទាន់ស្គាល់ពាក្យថាចាញ់ម្តងណាឡើយ ខណៈ១១ប្រកួត ឈ្នះ១០ និងស្មើ១ ។ យ៉ាងណាមិញ ក្រុមម្ចាស់ផ្ទះមួយនេះ ហាក់មិនសូវទទួលបានលទ្ធផលគាប់ប្រសើរនោះទេ ក្នុងការប្រកួតពានរង្វាន់ឆេមពានលីគ ដែល៣ប្រកួតជម្រុះក្នុងពូលកន្លងមក Napoli ឈ្នះ១ និងចាញ់២ ។ ការប៉ះគ្នាជាថ្មីម្តងទៀតនេះ Napoli រំពឹងថានឹងអាចវាយបកវិញ បើទោះជាបច្ចុប្បន្នបាត់បង់ខ្សែការពារ Lorenzo Tonelli និងខ្សែប្រយុទ្ធ Arkadiusz ក្ដី ។ ប្រសិនបើ Napoli មិនអាចធ្វើបានល្អទេ ពួកគេនឹងត្រូវប្រឈមឱកាសធ្លាក់ចេញពីពានរង្វាន់នេះកាន់តែខ្លាំង ។
ចំពោះប្រវត្តិប្រកួតក្នុងលីគរបស់ក្រុមភ្ញៀវ Man City ក៏មិនមានអ្វីខុសប្លែកពីក្រុមម្ចាស់ផ្ទះដែរ ដោយពួកគេធ្វើបានយ៉ាងល្អស្ទើរតែគ្រប់ការប្រកួត និងបន្តឈរនៅកំពូលតារាងទាំងនៅប្រឺមីញេលីគ និងក្នុងពូលF នេះ ។ ស្ថានភាពក្រុមភ្ញៀវ Man City ហាក់មិនមានអ្វីដែលធ្វើឱ្យពួកគេបារម្ភនោះឡើយ បើទោះជាខ្សែការពារសំខាន់ពីររូប(Benjamin Mendy និង Vincent Kompany) កំពុងសម្រាកព្យាបាលរបួសក្តី ។
ប្រវត្តិជួបគ្នា៣ប្រកួតនៃពានរង្វាន់យូហ្វាឆេមពានលីគនាពេលកន្លងមក Man City ឈ្នះ១ ស្មើ១ និងចាញ់១ ។ ទោះបីយ៉ាងណា ក្រោមកំណែទម្រង់ថ្មីរបស់គ្រូបង្វឹក Man City លោក Pep Guardiola ធ្វើឱ្យគេជឿជាក់ថា ក្លិបមេឃខៀវនឹងអាចស្វែងរកជ័យជម្នះរបស់ខ្លួននៅលើទឹកដីអីុតាលី ដើម្បីបំបែកប្រវត្តិសាស្ត្រនៃការប៉ះគ្នារវាងក្លិបទាំងពីរ ។
ការប្រកួតបាល់ទាត់យូហ្វាឆេមពានលីគ វគ្គជម្រុះក្នុងពូល ជុំទី 4 សម្រាប់រាត្រីថ្ងៃពុធនេះមានចំនួន 8 ប្រកួត ។ កូនលា Napoli មានការបារម្ភពេលជួបជាមួយក្រុមកំពូលតារាង
របស់អង់គ្លេស មេឃខៀវ Man City ចំណែក Liverpool, Sevilla, Shakhtar Donetsk និង Dortmund ប៉ះគូប្រកួតខ្សោយ ។
ចែករំលែកព័តមាននេះ