ខេត្តកណ្តាល ៖ បុរសជាប្តីម្នាក់បានផឹកស្រាស្រវឹងខ្លាំង ពេលមកដល់ផ្ទះបានឈ្លោះគ្នាជាមួយប្រពន្ធ ហើយក៏បានយកកន្ត្រៃចាក់ប្រពន្ធចំដើមដោះខាងឆ្វេង ហេតុការណ៍នេះកើតឡើងកាលពីវេលាម៉ោង២៣ និង៣០នាទីយប់ថ្ងៃទី២៧ ខែតុលា ឆ្នាំ២០១៧ ស្រុកកៀនស្វាយ…
ខេត្តកណ្តាល ៖ បុរសជាប្តីម្នាក់បានផឹកស្រាស្រវឹងខ្លាំង ពេលមកដល់ផ្ទះបានឈ្លោះគ្នាជាមួយប្រពន្ធ ហើយក៏បានយកកន្ត្រៃចាក់ប្រពន្ធចំដើមដោះខាងឆ្វេង ហេតុការណ៍នេះកើតឡើងកាលពីវេលាម៉ោង២៣ និង៣០នាទីយប់ថ្ងៃទី២៧ ខែតុលា ឆ្នាំ២០១៧ ស្រុកកៀនស្វាយ ខេត្តកណ្តាល ។
ជនសង្ស័យឈ្មោះ សេក ចាន់សូរិយា អាយុ៣៥ឆ្នាំ ជនជាតិខ្មែរ មុខរបរបើកបររថយន្តត្រូវជាប្តី ។ ចំណែកប្រពន្ធឈ្មោះ ស៊ឹម ស្រីប៉ុច អាយុ២៨ឆ្នាំ មុខរបរ កសិករ នាក់ទាំងពីររស់នៅភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្តាល ។
សមត្ថកិច្ចនគរបាលស្រុកកៀនស្វាយបានឲ្យដឹងថា ជនសង្ស័យបានផឹកស្រាស្រវឹងមកដល់ផ្ទះរករឿងប្រពន្ធ ហើយដោយសារតែអំណាចស្រានៅក្នុងខ្លួនច្រើនបានធ្វើឲ្យជនសង្ស័យយកកន្ត្រៃ ចាក់ទៅលើប្រពន្ធមួយកន្លែងចំដើមខាងឆ្វេងបណ្តាលឲ្យចេញឈាម រួចជនសង្ស័យបានយកកន្ត្រៃចាក់ខ្លួនឯងតាមក្រោយចំដើមទ្រូងខាងឆ្វេងជាប់កន្ត្រៃឆ្កឹងតែម្តង ។ ឃើញដូច្នោះស្ត្រីជាប្រពន្ធបានស្ទុះរត់ទៅបីកូនចេញពីក្នុងមុងចុះមកក្រោមផ្ទះស្រែកឲ្យម៉ែឪបងប្អូនឲ្យជួយ ។ ភ្លាមនោះម៉ែឪបងប្អូនបានឃើញកូនរងរបួសហូរឈាមក៏បញ្ជូនស្ត្រីជាប្រពន្ធយកទៅព្យបាលនៅមន្ទីរពេទ្យរាជធានីភ្នំពេញ ។ រីឯបុរសជាប្តីបញ្ជូនយកទៅព្យាបាលនៅមណ្ឌលសុខភាពឃុំ ។
លុះព្រឹកឡើងថ្ងៃទី២៨ ខែតុលានេះស្ត្រីរងគ្រោះជាប្រពន្ធក៏បានមកដាក់ពាក្យបណ្តឹងមកប៉ុស្តិ៍នគរបាលរដ្ធបាលឃុំកំពង់ស្វាយឲ្យឃាត់ខ្លួនតែម្តង៕
ចែករំលែកព័តមាននេះ