ប្រទេសថៃ ៖ អាជ្ញាធរថៃប្រកាសនាថ្ងៃទី៣១ តុលា បដិសេធសុពលភាពបណ្តាលិខិតឆ្លងដែនរបស់អតីតនាយករដ្ឋមន្ត្រី លោកស្រីយីងឡាក់ ស៊ីណាវ៉ាត្រា ដែលទទួលការកាត់ទោសកំបាំងមុខដាក់គុក៥ឆ្នាំកាលពីខែកញ្ញា ក្នុងសវនាការកាត់ទោសមួយដែលគេចាត់ទុកថាជាការកាត់ទោសទាក់ទិនរឿងនយោបាយ ។…
ប្រទេសថៃ ៖ អាជ្ញាធរថៃប្រកាសនាថ្ងៃទី៣១ តុលា បដិសេធសុពលភាពបណ្តាលិខិតឆ្លងដែនរបស់អតីតនាយករដ្ឋមន្ត្រី លោកស្រីយីងឡាក់ ស៊ីណាវ៉ាត្រា ដែលទទួលការកាត់ទោសកំបាំងមុខដាក់គុក៥ឆ្នាំកាលពីខែកញ្ញា ក្នុងសវនាការកាត់ទោសមួយដែលគេចាត់ទុកថាជាការកាត់ទោសទាក់ទិនរឿងនយោបាយ ។
លោកស្រីយីងឡាក់ ដែលរដ្ឋាភិបាលលោកស្រីត្រូវកងទ័ពផ្តួលរំលំកាលពីខែឧសភា ឆ្នាំ២០១៤ គេពុំបានឃើញឡើយ ចាប់តាំងពីថ្ងៃទី២៥ សីហា ជាថ្ងៃដែលលោកស្រីត្រូវបង្ហាញខ្លួននៅមុខតុលាការកំពូលស្តាប់សាលក្រមកាត់ទោសលោកស្រីពីបទធ្វេសប្រហែសក្នុងកម្មវិធីជួយទ្រទ្រង់ដល់កសិករ ។
លោក DON PRAMUDWINAI រដ្ឋមន្ត្រីការបរទេសថៃថ្លែងទៅកាន់សារព័ត៌មានថា រាល់លិខិតឆ្លងដែនថៃរបស់លោកស្រីយីងឡាក់ ត្រូវបដិសេធ ។ យើងពុំដឹងថាតើលោកស្រីយីងឡាក់ ស្ថិតនៅទីណាឡើយ ។ សេចក្តីរាយការណ៍មួយចំនួននិយាយថា លោកស្រីស្ថិតនៅប្រទេសអង់គ្លេស ប៉ុន្តែពុំបញ្ជាក់ពីទីក្រុងដែលលោកស្រីស្នាក់នៅឡើយ ។
ចាប់តាំងពីបាត់ខ្លួនពីដំណាច់ខែសីហាមក លោកស្រីយីងឡាក់ ពុំបានធ្វើសេចក្តីថ្លែងការណ៍ណាមួយឡើយ ។ របបយោធាបដិសេធថា ពុំមានការព្រមព្រៀងគ្នាជាមួយលោកស្រី ដើម្បីរៀបចំការរត់គេចខ្លួនទេ ។
ពួកយោធាថៃដែលឡើងកាន់អំណាចតាមរយៈរដ្ឋប្រហារមួយប្រឆាំងរដ្ឋាភិបាល លោកស្រីយីងឡាក់ ចង់រារាំងមិនឱ្យត្រកូលស៊ីណាវ៉ាត្រា វិលចូលមកប្រឡូកក្នុងនយោបាយបានដោយកាត់ទោសអតីតនាយករដ្ឋមន្ត្រីលោកថាក់ស៊ីន ស៊ីណាវ៉ាត្រា និងប្អូនស្រីលោកស្រីយីងឡាក់ ៕
ចែករំលែកព័តមាននេះ