ខេត្តព្រៃវែង ៖ ក្រុមអាជីវករជាច្រើននាក់ ដែលកំពុងលក់ដូរនៅក្នុងផ្សារព្រែកឈ្មោះ ព្រមទាំងប្រជាពលរដ្ឋជាច្រើនគ្រួសារ ដែលរស់នៅជុំវិញផ្សារនោះ បានសំដែងនូវការព្រួយបារម្ភជាខ្លាំង នៅពេលឃើញគេកំពុងសាងសង់ការ៉ាស់សាំង នៅក្បែផ្ទះ និងតូបលក់ដូររបស់ពួកគាត់ ដោយពួកគាត់ម្នាក់ៗបានអះអាងថា ខ្លាចមានអគ្គិភ័យកើតឡើង បណ្តាលឲ្យឆាបឆេះដល់ផ្ទះសម្បែង និងផ្សាររបស់ពួកគាត់ ។
ប្រជាពលរដ្ឋបានលើកឡើងថា ការ៉ាស់សាំងដែលគេកំពុងសាងសង់នោះ មានម្ចាស់ឈ្មោះ ស៊ុំ ឃុនច្ឆ័យ ភេទប្រុស អាយុ៣៤ឆ្នាំ ជាមនុស្សដ៏មានឥទ្ធិពលម្នាក់នៅក្នុងភូមិ ចំណែកទីតាំងដែលគេកំពុងធ្វើនោះ មានទំហំក្រឡាផ្ទៃ៣០០ម៉ែត្រការ៉េ គឺបណ្តោយ២០ម៉ែត្រ និងទទឹង១៥ម៉ែត្រ ស្ថិតនៅក្នុងភូមិព្រែកឈ្មោះ ឃុំព្រែកតាសរ ស្រុកពោធ៌រៀង ខេត្តព្រៃវែង ត្រង់ចំណុចផ្លូវកែងបំបែកជា៣ ជាប់នឹងជញ្ជាំងផ្ទះរបស់អ្នកស្រុកតែម្តង ហើយមានចម្ងាយតែជាង១០ម៉ែត្រប៉ុណ្ណោះពីផ្សារព្រែកឈ្មោះ ព្រមទាំងសាលាបឋមសិក្សា និងអនុវិទ្យាល័យព្រែកតាសរ ។
ពលរដ្ឋនៅទីនោះបញ្ជាក់ថា ការធ្វើការ៉ាស់សាំងនៅចំកណ្តាលទីប្រជុំជនបែបនេះ គឺវាមានគ្រោះថ្នាក់ខ្លាំងណាស់ បើមានហេតុការណ៍ផ្ទុះឆាបឆេះកើតជាអគ្គិភ័យឡើងរាលដាលដល់ផ្ទះអ្នកស្រុក ឆេះដល់ផ្សារ ឬឆេះដល់សាលារៀន តើនរណាហ៊ានទទួលខុសត្រូវ ? បញ្ហានេះធ្វើឲ្យពួកគាត់បារម្ភខ្លាំងណាស់ ៕
ចែករំលែកព័តមាននេះ