ខេត្តស្ទឹងត្រែង ៖ ដោយមើលឃើញពីកត្តាគ្រោះថ្នាក់បង្កឲ្យមនុស្សស្លាប់ និងរបួសពីមួយថ្ងៃទៅមួយថ្ងៃបូករួមការយល់ដឹងពីច្បាប់នៅមានកម្រិតប្រជាពលរដ្ឋនៅខេត្តស្ទឹងត្រែង បានអនុវត្តគោរពច្បាប់ចរាចរ និងមួយចំនួនទៀតមិនទាន់ប្រែពីទម្លាប់ចាស់ផ្លាស់មកជាទម្លាប់ប្រើប្រាស់សម្ភារ ដើម្បីការពារសុវត្តិភាពផ្ទាល់ខ្លួននៅឡើយដែរ។
ដើម្បីធានាសុខសុវត្ថិភាពមន្ត្រីនគរបាលចរាចរបានខិតខំអប់រំណែនាំ និងបញ្ជៀបបញ្ហារួម ព្រមទាំងច្បាប់ទៅដល់អ្នកបើកបររថយន្តបន្ថែមលើអនុវត្ត ។ គេសង្កេតឃើញអ្នកបើកមួយចំនួនខ្វះការប្រុងប្រយ័ត្ន ដូចជាការពាក់មួកសុវត្ថិភាពជាដើម ។ ស្របពេលជាមួយគ្នានេះដែរក្រសួងសាធារណការដឹកជញ្ជូន និងរាជរដ្ឋាភិបាលបានរិះរកមធ្យោបាយធ្វើយ៉ាងណារក្សាឲ្យអ្នកបើកបរមានសុវត្តិភាព ដើម្បីកាត់បន្ថយគ្រោះថ្នាក់ដែលឡើងដោយចរាចរលើដងផ្លូវ ។ មន្ទីរសាធារណការដឹកជញ្ជូនខេត្ត ទទួលមួកសុវត្ថិភាពពីក្រសួងសាធារណការ ដឹកជញ្ជូនចំនួន៥០០មួក ដើម្បីធ្វើការចែកជូនដល់អ្នកបើកបរម៉ូតូនៅតាមបណ្តាស្រុកក្រុងទាំង៥ក្នុងខេត្តស្ទឹងត្រែងទាំងមូល ដោយឥតគិតថ្លៃផងដែរ។
លោក ស គឹមណាត ប្រធានមន្ទីរសាធារណៈការ ដឹកជញ្ជូនខេត្តស្ទឹងត្រែងបានឲ្យដឹងថា នៅព្រឹកថ្ងៃទី៣១ ខែតុលា ឆ្នាំ២០១៧ មន្ទីរសាធារណៈការ ដឹកជញ្ជូន ទទួលមួកសុវត្ថិភាពចំនួន៥០០មួក ពីក្រសួងសាធារណៈការ ជាមួយនគរបាលចរាចរជើងគោកចែកជូន ប្រជាពលរដ្ឋអ្នកបើកបរទោចក្រក្រយានយន្តព្រម ទាំងបញ្ជៀបបញ្ហាផ្លូវច្បាប់ នៃគ្រោះថ្នាក់ចរាចដែរ ។ ក្នុងនោះមានការពន្យល់ណែរនាំអប់រំច្បាប់ចរាចរ ការបើកបរលើសល្បឿន ការបិតចំណាំងផ្លាត ដោយពាក់មួយសុវត្ថិភាព និងដាក់កញ្ចក់មើលក្រោយ រួមទាំងការបើកបរគ្រប់គ្រងដោយគ្រឿងស្រវឹង ការរក្សាគ្រឿងបរិក្ខាយានយន្តផងដែរ ។
លោកប្រធានមន្ទីរបញ្ជាក់ថា ការយកចិត្តទុកដាក់ រាជរដ្ឋាភិបាលបានសម្លឹងមើលឃើញថា បញ្ហាគ្រោះថ្នាក់ចរាចរជាឃាតករលាក់មុខ ដែលសម្លាប់មនុស្សភ្លាមៗ នៅពេលដែលអ្នកបញ្ជាគ្រប់យានយន្ត ខ្វះការប្រុងប្រយ័ត្ន បណ្តាលឲ្យមនុស្សស្លាប់បាត់បង់ជីវិតបាន ។
អ្នករត់ម៉ូតូឌុបម្នាក់បានលើកឡើងថា ការពាក់មួកសវុត្ថិភាព គឺជារឿងមួយដ៏ល្អ ពីព្រោះវាជួយការពារគ្រោះថ្នាក់ចរាចរ បានមួយកម្រិត ហើយក្បាលជាផ្នែកមួយដ៏សំខាន់បំផុត ដូច្នេះយើងគួរចូលរួមថែរក្សាសុវត្ថិភាពផ្ទាល់ខ្លួនឲ្យបានគ្រប់វេលានៅពេលបើកបរ ៕
ចែករំលែកព័តមាននេះ