រាជធានីភ្នំពេញ ៖ ក្នុងគោលបំណងជួយដល់ម្ចាស់អាជីវកម្មលក់ដូរម្ហូបទទួលបានឱកាសពង្រីកទីផ្សាររបស់ខ្លួនទៅកាន់អតិថិជនថ្មីៗ នឹងមកចូលរួមពីគ្រប់មជ្ឈដ្ឋានក៏ដូចជាការចូលរូម ចំណែកជាមួយរាជរដ្ឋាភិបាលក្នុងការជួយ ដល់កុមារកំព្រារ និងទុរគតជន កម្មវិធីមួយដែល មានឈ្មោះថា «កៀនស្វាយសប្បុរសធម៌» នឹងរៀបចំរយៈពេល២ថ្ងៃ
ចាប់ពីថ្ងៃទី ២៥-២៦ ខែវិច្ឆិកា ឆ្នាំ២០១៧ ខាងមុននេះ ។
សូមបញ្ជាក់ថា «កៀនស្វាយសប្បុរសធម៌» កម្មវិធីដែលម្ចាស់អាជីវកម្មលក់ដូរម្ហូបអាហារអាចបង្កើនប្រាក់ចំណូល និងចូលរួមចំណែកជួយមន្ទីរពេទ្យគន្ធបុប្ផា ។
កម្មវិធីនេះនឹងទាក់ទាញមនុស្សរាប់ពាន់អ្នកមកចូលទស្សនា និងបង្កើតសកម្មភាព មនុស្សធម៌តាមរយៈការរត់ម៉ារ៉ាតុន ការបង្ហាញអាហារឆ្ងាញ់ៗ និងការប្រគុំតន្ត្រីផ្សេងៗ ហេតុដូច្នេះហើយវាគឺជាឱកាសល្អសម្រាប់ម្ចាស់អាជីវកម្មផ្នែកម្ហូបអាហារ ក៏ដូចជាភោជនីយដ្ឋានតូច -ធំក្នុងការណែនាំនូវមុខម្ហូបពិសេសៗប្រចាំហាងរបស់ខ្លួន ជូនអតិថិជនរាប់ពាន់នាក់ដែលនឹងប្រមូលផ្តុំគ្នាភ្លក់នូវរសជាតិអាហាររបស់លោកអ្នក ។
កម្មវិធីនេះ នឹងរៀបចំឡើងក្នុងទីតាំងក្នុងគម្រោងកៀនស្វាយផ្លាហ្សា តាមបណ្តោយផ្លូវជាតិលេខ ១ ភូមិធំ សង្កាត់កៀនស្វាយ ខណ្ឌភូមិធំ ខេត្តកណ្តាល ទីកន្លែងដែលមានការប្រគំតន្ត្រី ការទិញអាហារ និងការចូលរួមដោយក្រុមមនុស្សជាង ១.០០០ នាក់រត់ម៉ារ៉ាតុង ដើម្បីស្វែងរកថវិកាបន្ថែមសម្រាប់ជួយមន្ទីរពេទ្យគន្ធបុប្ផា ។
ដើម្បីបង្កលក្ខណៈងាយស្រូលដល់ម្ចាស់អាជីវកម្ម ដើម្បីទទួលបានប្រាក់ចំណេញផង និងចូលរួមចំណែកមនុស្សធម៌ផង អ្នករៀបចំកម្មវិធីនឹងរៀបចំស្តង់អាហារចំនួន ៥៦ ស្តង់ សម្រាប់ម្ចាស់អាជីវកម្មអាហារជួលដាក់តាំងអាហារពិសេសៗរបស់ខ្លួន ដែលលោកអ្នកគ្រាន់តែចំណាយ ១៥ ដុល្លារប៉ុណ្ណោះក្នុងមួយថ្ងៃ សម្រាប់ការជួលស្តង់មួយដែលមានទំហំ ២,៥ ម៉ែត្រ គុណនឹង ២,៥ ម៉ែត្រ ហើយម្ចាស់អាជីវកម្មទាំងអស់ គឺទទួលបានសេវាទឹក និងភ្លើងប្រើប្រាស់ ដោយមិនគិតថ្លៃទៀតផង ។
ចំណុចទាក់ទាញមួយទៀតរបស់កម្មវិធី «កៀនស្វាយសប្បរុសធម៌» នោះ គឺការប្រគំតន្ត្រីសប្បុរសធម៌រយៈពេល២យប់ដែលនឹងមានការចូលរួមដោយតារាចម្រៀងល្បីៗនៅក្នុងប្រទេសកម្ពុជា ដើម្បីពង្រីកការផ្សព្វផ្សាយដល់សង្គមឱ្យយកចិត្តទុកដាក់បន្ថែមទៀតចំពោះមន្ទីរពេទ្យ គន្ធបុប្ផា ដែលបន្តត្រូវការការឧបត្ថម្ភជាច្រើនបន្ថែមទៀត ។
កម្មវិធី «កៀនស្វាយសប្បរុសធម៌» ដែលមានរយៈពេល២ថ្ងៃពេញនេះ គឺចាប់ផ្តើមពីម៉ោង ១១ ព្រឹករហូតដល់ម៉ោង ៩ យប់ ។ តោះយើងនៅចាំអីទៀត ទៅភ្លក់អាហារ ទៅស្តាប់តន្ត្រី និងចូលរួមសកម្មភាពមនុស្សធម៌នៅកៀនស្វាយទាំងអស់គ្នា ដើម្បីផ្តល់ស្នាមញញឹមដល់ក្មេងៗ របស់យើង! កម្មវិធីនេះរៀបចំឡើងដោយក្រុមហ៊ុន OCIC កៀនស្វាយផ្លាហ្សា សហការរៀបចំដោយសហភាពសហព័ន្ធយុវជនកម្ពុជា និងឧបត្ថម្ភធំដោយក្រុមហ៊ុន Fuxin Steel Building ។
សម្រាប់ព័ត៌មានលម្អិតនៃកម្មវិធី «កៀនស្វាយសប្បរុសធម៌» លោកអ្នកអាចទំនាក់ទំនង ទៅកាន់លេខ ០៩៨ ២២ ៥៣ ០៩ ឬ ០៩៦ ៨១០ ៦៦៦៦ ឬ ០៧១ ៨៣០ ៥៥៥៣ ៕
ចែករំលែកព័តមាននេះ