រាជធានីភ្នំពេញ ៖ មុខរបរដើរបាញ់សត្វ និងទាក់ចាប់សត្វ ទោះបីប្រើវិធីណាមួយក៏ដោយ ក៏ត្រូវបានច្បាប់ហាមឃាត់ តែគេនៅតែឃើញមានព្រានដើរប្រមាញ់ និងទាក់សត្វគ្រប់ប្រភេទ ទាំងនៅក្នុងព្រៃជ្រៅ ក្នុងភូមិនានា ក៏ដូចជានៅជាយរាជធានីភ្នំពេញ គឺនៅតែបន្ត ហើយសត្វទាំងនោះ ត្រូវគេយកមកលក់ធ្វើម្ហូប នៅតាមទីផ្សារនានានៅទូទាំងប្រទេស និងខ្លះទៀត ដូចជាចាបស្រុកជាដើម ត្រូវបានគេយកមកលក់ដើម្បីឱ្យពុទ្ធបរិស័ទ ទិញលែងជាការបំពេញនូវកុសល់ ។
ការទាក់សត្វចាបស្រុក ខ្លះបានប្រើវិធីផ្សេងៗ ដើម្បីចាប់ដូចជាវាយលុកជាដើម ។ អ្វីដែលមានការចាប់អារម្មណ៍ នៅពេលបច្ចប្បន្ននេះ មានក្រុមអ្នកប្រមាញ់សត្វទាំងបានប្រើជ័រ ដើម្បីចាប់សត្វចាបស្រុក នៅតាមតំបន់នានានៅជាយរាជធានីភ្នំពេញ ដែលវិធីនេះកំពុងតែពេញនិយម សម្រាប់អ្នករស់នៅខណ្ឌច្បារអំពៅ ដែលបានចេះតៗគ្នា ពីជនជាតិវៀតណាម ។
ជួបជាមួយ អ្នកប្រមាញ់សត្វ២នាក់ សុំមិនបញ្ចេញឈ្មោះ ដែលបានដើរទាក់ចាប់សត្វចាបស្រុកនៅខាងត្បូងស្នងការនគរបាលរាជធានីភ្នំពេញ ក្នុងខណ្ឌប្ញស្សីកែវ បានឱ្យដឹងថា ជារឿងរាលថ្ងៃ រូបគេបានជិះម៉ូតូពីតំបន់មួយ ទៅតំបន់មួយ នៅជាយរាជធានីភ្នំពេញដើម្បីប្រកបមុខរបរដើរទាក់សត្វ ដែលក្នុងមួយថ្ងៃ បានប្រមាណ១០០ចាប និងខ្លះ រហូតដល់១៥០ ទៅ២០០ចាប ហើយយកទៅលក់ក្នុងសត្វចាបស្រុកមួយ១ពាន់រៀល ហើយមានម៉ូយចាំទិញនៅគល់ស្ពានច្បារអំពៅ ខាងកើតជារៀងរាល់ថ្ងៃ ។
តាមអ្នកប្រមាញ់សត្វរូបនោះបានឱ្យដឹងទៀតថា វិធីចាប់សត្វនេះ បានចេះមកពីជនជាតិវៀតណាម ហើយខ្លួនបានទៅទិញជ័រកាវចាប់សត្វ ដែលគេលក់នៅច្បារអំពៅ ព្រមទាំងទិញស្ទិចឃ័រមួយក្នុងតម្លៃ៥ម៉ឺន ដែលមានមេម៉ូរីចាក់សម្លេង ចាបស្រុក និងកូន ស្រែកចេកចាយយំ ជាហេតុធ្វើឱ្យចាប់ស្រុកទាំងហ្វូង មកទុំលើដែកដែលដាក់ជ័រជាប់។
តាមអ្នកប្រមាញ់សត្វ រូបនោះបានអោយដឹងទៀតថា នៅវេលាម៉ោងប្រមាណ ព្រឹក ខ្លួនបានចេញដំណើរ ពីផ្ទះ នៅក្នុងខណ្ឌច្បារអំពៅ ដើរចាប់សត្វ ឆ្ពោះទៅខណ្ឌដង្កោ ខណ្ឌពោធិ៍សែនជ័យ ខណ្ឌសែនសុខ និងខណ្ឌប្ញស្សីកែវដើម្បីដើរទាក់សត្វ ។
នៅព្រឹកនោះគេឃើញព្រាន២នាក់ ជិះម៉ូតូចេញពីភូមិ មួយទៅភូមិ មួយ និងរកទីតាំងណាដែលមានសត្វ ច្រើន ដោយ យកដែក មានដង ដែលបំពាក់ដោយជ័រ ទៅដាក់កៀនរបង និងបើកស្ទិចឃ័រ សម្លេងកូន ចាបយំ ស្រាប់តែ ឃើញមានចាបស្រុកទាំងហ្វូង បានហើរឆ្វេតឆ្វាចនិងទំលើដែកមានជ័រ ជាប់ ក្នុងរយះពេលប្រមាណមិនដល់ ១០នាទីផង ក៍បានជាប់សត្វ ប្រមាណជិត១០ក្បាល និងកន្លែងខ្លះទៀត ជាប់ជាង១០ក្បាល ។
តាមព្រានរូបនោះបានឱ្យដឹងថា សត្វ ចាបស្រុក នោះ ពេលទាក់ បានស្រួលលក់ណាស់ ដោយមានម៉ូយចាំទិញ ក្នុងចាប់មួយ១ពាន់រៀល ហើយគេយកទៅលក់អោយ គេលែង នៅតាមវត្ត និងមុខ វាំង ក្នុងមួយក្បាល ២ពាន់រៀល ។ នៅក្នុងមួយថ្ងៃ គាត់ រកបានចំណូល បានពី១៥ម៉ឺនទៅ២០ម៉ឺនរៀល
ចែករំលែកព័តមាននេះ