សហរដ្ឋអាមេរិក ៖ បណ្តាអ្នកការពារបានបរិហារ កាលពីថ្ងៃទី៣០ តុលា ថា ក្មេងស្រីអាយុ១០ឆ្នាំម្នាក់ ដែលគ្មានលិខិតស្នាមហើយមានបញ្ហាខួរក្បាល ត្រូវប៉ូលិសអន្តោប្រវេសន៍អាមេរិកតាមឃាត់ខ្លួននៅមន្ទីរពេទ្យ ក្រោយនាងទទួលការវះកាត់រួចបន្តិច…
សហរដ្ឋអាមេរិក ៖ បណ្តាអ្នកការពារបានបរិហារ កាលពីថ្ងៃទី៣០ តុលា ថា ក្មេងស្រីអាយុ១០ឆ្នាំម្នាក់ ដែលគ្មានលិខិតស្នាមហើយមានបញ្ហាខួរក្បាល ត្រូវប៉ូលិសអន្តោប្រវេសន៍អាមេរិកតាមឃាត់ខ្លួននៅមន្ទីរពេទ្យ ក្រោយនាងទទួលការវះកាត់រួចបន្តិច ដើម្បីចាប់បណ្តេញនាងចេញ ។
ក្នុងសារលិខិតមួយច្បាប់ផ្ញើជូនភ្នាក់ងាររដ្ឋទទួលខុសត្រូវខាងជនអន្តោប្រវេសន៍ជាអនីតិជនអង្គការសម្ព័ន្ធភាពអាមេរិក ដើម្បីសេរីភាពស៊ីវិល ACLU ទាមទារថា កុមារី ROSA MARIA HERNANDEZ គួរប្រគល់ឱ្យទៅឪពុកម្តាយរបស់នាង ដែលរស់នៅ LAREDO ជាទីក្រុងមួយនៃរដ្ឋតិចសាស់ក្បែរព្រំដែនជាមួយម៉ិចស៊ិក ។
អង្គការនេះបន្តថា ប្រសិនបើក្មេងស្រីនេះពុំត្រូវបានដោះលែងនារសៀលថ្ងៃទី៣១ តុលា ទេ នោះ ACLU នឹងចាប់ផ្តើមសកម្មភាពខាងផ្លូវច្បាប់មួយជាបន្ទាន់ ។ មានបញ្ហាទាក់ទិនដល់ការអភិវឌ្ឍន៍នៃខួរក្បាលដែលប៉ះពាល់ដល់ការធ្វើចលនា និងការត្រួតពិនិត្យរបស់សាច់ដុំកុមារី ROSA MARIA HERNANDE មានពេល៣ខែ ពេលម្តាយនាងនាំនាងដោយលួចលាក់ចូលមកសហរដ្ឋអាមេរិក ដើម្បីនាងបានទទួលការព្យាបាល ។
យោងតាមបណ្តាសារព័ត៌មានអាមេរិកថា ក្មេងស្រីនេះ និងម្តាយបានធ្វើដំណើរពីក្រុង NUEVO LAREDO ម៉ិចស៊ិកមកកាន់ក្រុង LAREDO ជាទីក្រុង២ ស្ថិតនៅជាប់គ្នាឯតំបន់ព្រំដែន ។ អមដោយបុរសម្នាក់ជាជនជាតិអាមេរិក ក្មេងស្រីនេះកាលពីសប្តាហ៍មុនត្រូវបញ្ជូនតាមរថយន្តពេទ្យមួយមកកាន់មន្ទីរពេទ្យឯទីក្រុងមួយទៀតនៃរដ្ឋតិចសាស់ ដើម្បីទទួលការវះកាត់ ហើយត្រូវពួកប៉ូលិសអន្តោប្រវេសន៍តាមចាប់នៅចំណុចត្រួតពិនិត្យមួយ ៕
ចែករំលែកព័តមាននេះ