រាជធានីភ្នំពេញ៖ លោក ឃឹម ប៉ុណ្ណ ប្រធានក្រុមប្រឹក្សាជំនុំជម្រះនៃតុលាការកំពូលនៅថ្ងៃទី៣១ តុលា នេះបានសម្រេចប្រកាសសាលដីកាតម្កល់ការសម្រេចរបស់សាលាឧទ្ធរណ៍លើកបណ្តឹងសាទុក្ខរបស់មេធាវីការពារក្តីឲ្យលោក កឹម សុខា ប្រធានគណបក្សសង្គ្រោះជាតិ…
រាជធានីភ្នំពេញ៖ លោក ឃឹម ប៉ុណ្ណ ប្រធានក្រុមប្រឹក្សាជំនុំជម្រះនៃតុលាការកំពូលនៅថ្ងៃទី៣១ តុលា នេះបានសម្រេចប្រកាសសាលដីកាតម្កល់ការសម្រេចរបស់សាលាឧទ្ធរណ៍លើកបណ្តឹងសាទុក្ខរបស់មេធាវីការពារក្តីឲ្យលោក កឹម សុខា ប្រធានគណបក្សសង្គ្រោះជាតិ និងបន្តឃុំខ្លួននៅពន្ធនាគារ។
លោក សម សុគង់ មេធាវីការពារក្តីលោក កឹម សុខា បានលើកឡើងថា៖ «តុលាការកំពូលបានតម្កល់ការសម្រេចរបស់សាលាឧទ្ធរណ៍ក៏ដូចជាការច្រានចោលបណ្តឹងឧទ្ធរណ៍របស់មេធាវីការពារក្តីឲ្យលោក កឹម សុខាដែរ ជាប់ពន្ធនាគារដដែល»។
លោកមេធាវីបានបញ្ជាក់ថា សវនាការមានរយៈពេលជិត៣ម៉ោងក្នុងការសួរដេញដោលគ្នារវាងចៅក្រម និងមេធាវីការពាក្តី។ លោកមេធាវីបន្ថែមថា បន្ទាប់ពីសវនាការក្រុមចៅក្រមបានចូលទៅពិភាក្សាគ្នា និងចេញមកប្រកាសដោយសម្រេចថា ការសម្រេចរបស់សាលាឧទ្ធរណ៍ចាត់ទុកជាបានការដដែល ដោយច្រានចោលបណ្តឹងសាទុក្ខរបស់មេធាវីការពារក្តី។ បន្ទប់សវនាការមេធាវីការពារបានបង្ហាញរាល់អង្គច្បាប់ រាល់នីតីវិធីរបស់តុលាការក្រុង និងអាជ្ញាធរមានសមត្ថកិច្ចកន្លងមកនៅមានកំហុសផ្លូវច្បាប់មួយចំនួន។
ចែករំលែកព័តមាននេះ