តាមប្រភពពី BBC ឱ្យដឹងថា អតីតប្រធានាធិបតីអាមេរិក បារ៉ាក់ អូបាម៉ា ធ្លាប់បានសរសេរសំបុត្រស្នេហាទៅកាន់មិត្តស្រី កាលនៅរៀនថ្នាក់មហាវិទ្យាល័យ មុនពេលជួបគ្នាជាមួយឧត្តមភរិយាសព្វថ្ងៃនេះ ។…
តាមប្រភពពី BBC ឱ្យដឹងថា អតីតប្រធានាធិបតីអាមេរិក បារ៉ាក់ អូបាម៉ា ធ្លាប់បានសរសេរសំបុត្រស្នេហាទៅកាន់មិត្តស្រី កាលនៅរៀនថ្នាក់មហាវិទ្យាល័យ មុនពេលជួបគ្នាជាមួយឧត្តមភរិយាសព្វថ្ងៃនេះ ។
នៅក្នុងសំបុត្រនោះ លោកបានសរសេររៀបរាប់ពីបញ្ហាប្រកាន់ពូជសាសន៍ ឋានៈ និង ទ្រព្យសម្បតិ្ត ។ លោកសរសេរសំបុត្រនេះ ទៅកាន់មិត្តស្រីរបស់គាត់កាលនោះ មានឈ្មោះថា Alexandra McNear ដែលពួកគេបានជួបគ្នាដំបូង នៅអាយុខ្ទង់២០ឆ្នាំ នារដ្ឋកាលីហ្វ័រញ៉ា ។ សំបុត្រនេះ ត្រូវបានរក្សាទុកក្នុងបណ្ណាល័យ Rose នៅសាកលវិទ្យាល័យ Emory តាំងពីឆ្នាំ២០១៤។ ទើបតែពេលនេះទេ បានវាត្រូវបានបង្ហាញជាសាធារណៈ។
សំបុត្រដែលសរសេរនៅកំឡុងឆ្នាំ១៩៨២ ទៅ១៩៨៤ បានរៀបរាប់ថា «ខ្ញុំជឿថា អ្នកដឹងថា ខ្ញុំនឹកអ្នកណាស់ ។ ការព្រួយបារម្ភរបស់ខ្ញុំចំពោះអ្នក គឺពិតជាធំណាស់ដូចខ្យល់អាកាសល្វឹងល្វើយ។ ទំនុកចិត្តរបស់ខ្ញុំលើអ្នកជ្រៅដូចទៅសមុទ្រអីចឹង» ។ នៅចុងកន្ទុយសំបុត្រ លោកបានសរសេរថា «Love, Obama” ឬ “ស្រឡាញ់អស់ពីបេះដូង ពីខ្ញុំអូបាម៉ា»។
សេចក្តីស្នេហានេះ មិននៅបានយូរទេ ។ អូបាម៉ាបានសរសេរសំបុត្រមួយទៀតប្រាប់ពីអារម្មណ៍ខនឿយណាយថា «ខ្ញុំគិតពីអ្នកជានិច្ច តែខ្ញុំហាក់បីដូចជាមិនយល់អារម្មណ៍ខ្លួនឯង។ យើងហាក់បីដូចជាចង់បានអ្វីដែលយើងមិនមាន ហើយនេះហើយជាអ្វីដែលនៅបាំងយើងមិនឲ្យលូតលាស់ទៅមុខ» ។ ការរក្សាទុកសំបុត្រនេះ គឺពិតជាបានបង្ហាញឱ្យនិស្សិតផ្សេងៗទៀតនៅសម័យយល់ដឹងពីបញ្ហា ដែលគេអាចនឹងប្រឈមមុខ ដូចទៅនឹងស្នេហារវាងអតីតប្រធានាធិបតីនិងមិត្តស្រីអីចឹងដែរ ។
ចែករំលែកព័តមាននេះ