ខេត្តតាកែវ ៖ ជនសង្ស័យម្នាក់ត្រូវបានប៉ូលិសចាប់ខ្លួន ខណៈពេលដែលជនសង្ស័យ និងបក្សពួកបានព្រួតគ្នាកាប់ទៅលើជនរងគ្រោះម្នាក់ឲ្យរងរបួសធ្ងន់ហេតុការណ៍នេះបានកើតឡើងកាលពីវេលាម៉ោង១និង៤៥នាទីរសៀលថ្ងៃទី៣០ ខែតុលា ឆ្នាំ២០១៧ ស្ថិតក្នុងភូមិដំណាក់រវៀង ឃុំពពេល ស្រុកត្រាំកក់ ។
ជនរងគ្រោះងិន វាសនា ភេទប្រុស អាយុ៣៣ឆ្នាំ រស់នៅភូមិត្រពាំងពោធិ ឃុំជាងទង ស្រុកត្រាំកក់ ។ ចំណែកជនសង្ស័យទី១- មុំ បេ ភេទប្រុស អាយុ៤២ឆ្នាំ រស់នៅភូមិ-ឃុំកើតហេតុខាងលើ និងទី២- សុខ ភេទប្រុស រស់នៅផ្ទះជួល ម្ដុំជម្ពូវ័នក្នុងសង្កាត់ចោមចៅ ខណ្ឌ័ពោសែនជ័យ រាជធានីភ្នំពេញ ។
ប៉ូលិសស្រុកត្រាំកក់បានឲ្យដឹងថា ជនសង្ស័យទី២ បានរត់គេចខ្លួនបាត់ ហើយជនសង្ស័យទាំង២បានធ្វើសកម្មភាពដោយយកកាំបិតកាប់ទៅលើជនរង ងិន វាសនា ចំក្បាលហើយកញ្ចឹងកពីក្រោយជាច្រើនកាំបិត បណ្ដាលឲ្យរងរបួសធ្ងន់ត្រូវបានដឹកយកទៅសង្រោះបន្ទាន់នៅមន្ទីរពេទ្យបង្អែកខេត្តតាកែវ ។ ក្រោយពេលកើតហេតុកម្លាំងប៉ូលិសបានចុះដល់កន្លែងកើតហេតុ និងបានស្រាវជ្រាវធ្វើការឃាត់ខ្លួនជនសង្ស័យ រីឯជនសង្ស័យម្នាក់ទៀត បានរត់គេចខ្លួនបាត់ ។
ចម្លើយសារភាពជនសង្ស័យខាងលើ មូលហេតុដែលនាំឲ្យមានទំនាស់រហូតឈានដល់កើតមានអំពើហិង្សា គឺបណ្តាលមកពីមានទំនាស់ពាក្យសំដី នឹងមានគំនុំពីមុនមក ។
លោកវរសេនីយ៍ឯក សែម សុជាតិ នាយការិយាល័យព្រហ្មកម្រិតធ្ងន់ខេត្ត បានឲ្យដឹងថានៅពេលយើងបានកសាងសំណុំរឿង បញ្ជូនជនសង្ស័យទៅសាលាដំបូងខេត្តតាកែវ ដើម្បីចាត់ការតាមច្បាប់ ចំណែកជនសង្ស័យម្នាក់ដែលរត់គេចខ្លួនស្វែងរកចាប់ខ្លួនផ្តន្ទាទោសតាមផ្លូវច្បាប់ ៕
ចែករំលែកព័តមាននេះ