ទីក្រុងប៉េកាំង ៖ ភាពជោគជ័យរបស់ចិនក្នុងរយៈពេល៥ឆ្នាំខាងមុខ នឹងពឹងផ្អែកខ្លាំងលើរបៀបដែលរដ្ឋាភិបាលគ្រប់គ្រងភាពតានតឹងស្ថិតក្រោមរបៀបវារៈដ៏ស្មុគស្មាញ ។ មេដឹកនាំចិន នឹងធ្វើឲ្យមានតុល្យភាពរវាងបក្សកុម្មុយនិស្តដែលមានអំណាចខ្លាំងក្លា កំណត់ស្ដង់ដា និងការពារផលប្រយោជន៍សាធារណៈ ដោយធ្វើឲ្យទីផ្សារមានអំណាច…
ទីក្រុងប៉េកាំង ៖ ភាពជោគជ័យរបស់ចិនក្នុងរយៈពេល៥ឆ្នាំខាងមុខ នឹងពឹងផ្អែកខ្លាំងលើរបៀបដែលរដ្ឋាភិបាលគ្រប់គ្រងភាពតានតឹងស្ថិតក្រោមរបៀបវារៈដ៏ស្មុគស្មាញ ។
មេដឹកនាំចិន នឹងធ្វើឲ្យមានតុល្យភាពរវាងបក្សកុម្មុយនិស្តដែលមានអំណាចខ្លាំងក្លា កំណត់ស្ដង់ដា និងការពារផលប្រយោជន៍សាធារណៈ ដោយធ្វើឲ្យទីផ្សារមានអំណាច និងជំរុញសេដ្ឋកិច្ចនាពេលអនាគត ។
នៅពេលសមាជជាតិលើកទី១៩របស់បក្សកុម្មុយនិស្តកើតឡើង ការផ្តោតភាគច្រើនគឺទៅលើអ្នកដែលនឹងកាន់កាប់មុខតំណែងសំខាន់ក្នុងរដ្ឋបាលលោក Xi Jinping សម្រាប់រយៈពេល៥ឆ្នាំខាងមុខ ក៏ប៉ុន្តែវិថីនាពេលអនាគត គឺពឹងផ្អែកខ្លាំងទៅលើក្រុមមួយទៀតដែលមិនសូវទទួលបានការយកចិត្តទុកដាក់ គឺអ្នកជំនាញបច្ចេកវិទ្យា ដែលនឹងអនុវត្តភារកិច្ចជាក់លាក់ទាក់ទងនឹងកំណែទម្រង់ និងការផ្លាស់ប្តូរសេដ្ឋកិច្ចជាតិ ។
ក្នុងរយៈពេល៤ទសវត្សរ៍ចុងក្រោយនេះ អ្នកជំនាញបច្ចេកវិទ្យាបានរួមគ្នាបង្កើតការផ្លាស់ប្តូរដ៏អស្ចារ្យមួយ ។ បច្ចុប្បន្ន ក្រុមអ្នកបង្កើតគោលនយោបាយមានទេពកោសល្យ នឹងដកខ្លួន ឬប្រហែលខែមីនា ឆ្នាំ២០១៨ ដោយបញ្ជូនភារកិច្ចនេះទៅអ្នកជំនាន់ថ្មី ។
អ្នកជំនាន់ថ្មីមានការអប់រំខ្ពស់ មានបទពិសោធន៍ ហើយភាគច្រើនទទួលបានជោគជ័យលើគុណសម្បត្តិផ្ទាល់ខ្លួន ។ សំណួរសួរថា តើពួកគេនឹងមានសេរីភាពប៉ុនណាក្នុងការអនុវត្តការងារនេះ ?
ក្រោមការដឹកនាំរបស់លោក Deng Xiaoping ជាអ្នកដឹកនាំផ្តួចផ្តើមធ្វើកំណែទម្រង់ និងបើកទូលាយក្នុងឆ្នាំ១៩៧៨ បានបដិសេធដាច់ខាតនូវរបៀបវារៈអន្ដរជាតិទូលំទូលាយរបស់ចិន ។ អ្នកបង្កើតគោលនយោបាយចិនបានអនុវត្តអស់រយៈពេលជាង៣ទសវត្សរ៍មកហើយ ។
តាំងពីចូលកាន់អំណាចក្នុងឆ្នាំ២០១២មក លោក Xi បានផ្លាស់ប្តូរក្របខ័ណ្ឌគោលនយោបាយនេះតាមវិធីសំខាន់ៗមួយចំនួន ។ ជាដំបូង លោកបានដោះស្រាយអំពើពុករលួយ ដែលធ្វើឱ្យខូចដល់ភាពជឿជាក់របស់គណបក្សCCP (Chinese Communist Party) តាមរយៈការចាប់ផ្តើមយុទ្ធនាការប្រឆាំងអំពើពុករលួយមិនធ្លាប់មានពីមុនមក ។
មនុស្សជាច្រើនរំពឹងថា យុទ្ធនាការប្រឆាំងអំពើពុករលួយរបស់លោក Xi ជាគម្រោងបណ្តោះអាសន្នមួយ ដែលមានបំណងបើកផ្លូវអនុវត្តកំណែទម្រង់សេដ្ឋកិច្ចដ៏ខ្លាំងក្លា ។ ផ្ទុយទៅវិញ យុទ្ធនាការនេះបានក្លាយជាចំណុចសំខាន់ជាអចិន្ត្រៃយ៍ក្នុងការគ្រប់គ្រងរបស់លោក Xi ។
មេដឹកនាំចិន និងប្រជាពលរដ្ឋកាន់តែជឿជាក់ជាងមុនថា រដ្ឋាភិបាលមានគណបក្សតែមួយដ៏រឹងមាំ គឺជាសសរដ៏សំខាន់នៃស្ថិរភាព និងកំណើនសេដ្ឋកិច្ច ។ លើសពីនេះ ក្រោមការដឹកនាំរបស់លោក Xi ចិនមានគោលបំណងពង្រីកឥទ្ធិពលរបស់ខ្លួនក្នុងសេដ្ឋកិច្ចសកល ជាពិសេសក្នុងប្រទេសកំពុងអភិវឌ្ឍន៍ ។
ថ្នាក់ដឹកនាំចិននៅតែប្តេជ្ញាចិត្តយ៉ាងមុតមាំការពារផលប្រយោជន៍បក្ស ដែលចាត់ទុកថា ជាការស្នេហាសង្គម ។ ហេតុផលនេះ គណបក្ស CCP បន្តលើកកម្ពស់ការគាំទ្រ ដោយរក្សាបាននូវវត្តមានសកម្ម មិនត្រឹមតែក្នុងការពិភាក្សាគោលនយោបាយទេ ប៉ុន្តែក៏មានក្នុងវិស័យឯកជន និងកិច្ចការសង្គមផងដែរ ។
ទន្ទឹមនឹងនេះ រដ្ឋាភិបាលមានគោលបំណងបង្កើនអំណាចភាពជាសហគ្រិន និងការច្នៃប្រឌិត ហើយឆ្លើយតបកាន់តែមានប្រសិទ្ធភាពនឹងតម្រូវការ និងបំណងប្រាថ្នារបស់មនុស្សវណ្ណៈកណ្តាលវ័យក្មេងឲ្យទទួលបានការអប់រំ និងរីកចម្រើនឆាប់រហ័ស ។ ពួកគេបានជួយប្រទេសចិនសម្រេចបាននូវកំណើនផលិតផលក្នុងស្រុកសរុបប្រចាំឆ្នាំពី៦ទៅ៧% ក្នុងអំឡុងពេលផ្លាស់ប្តូររចនាសម្ព័ន្ធ និងការប្រែប្រួលចំណូលមធ្យមក្នុងសេដ្ឋកិច្ចសកលទន់ខ្សោយ ៕
ដកស្រង់ពី Project-syndicate
ចែករំលែកព័តមាននេះ