បណ្ដាអ្នកស្រាវជ្រាវនៅឯមហាវិទ្យាល័យវេជ្ជសាស្ដ្ររដ្ឋចចជៀ (MCG) សហរដ្ឋអាមេរិកបានរកឃើញប្រូតេអ៊ីនម្យ៉ាងដែលជាហេតុបណ្ដាលឱ្យឆ្អឹងមានសភាពផុយស្រួយ ។ ប្រភេទប្រូតេអ៊ីនដ៏តូចបំផុតដែលគេឱ្យឈ្មោះថា នេអូហ្សេនីន គឺជាដើមហេតុដែលធ្វើឱ្យគ្រោងឆ្អឹងរួញតូចអំឡុងការលូតលាស់ ហើយបន្ទាប់មកបានធ្វើឱ្យឆ្អឹងកាន់តែស្រួយងាយនឹងបាក់ ។
ការពិសោធន៍លើសត្វកណ្ដុរបានបង្ហាញថា កណ្ដុរកំពុងលូតលាស់មួយពេលគេចាក់ប្រូតេអ៊ីននេអូហ្សេនីនចូលទៅបណ្ដាលឱ្យវាមានម្រាមដៃម្រាមជើងមិនមាំទាំ ហើយជាទូទៅមានទំហំតូច និងព្រមទាំងមានការលូតលាស់ឆ្អឹងផាលតិចតួចបំផុត។ ទាំងនេះគឺជាការបញ្ជាក់អះអាងរបស់លោកវេជ្ជបណ្ឌិត Wen-Cheng Xiong ឯកទេសខាងផ្នែកកោសិកាលូតលាស់ប្រចាំ MCG ។
ការរកឃើញខាងលើនេះបានផ្ដល់នូវការយល់ដឹងថ្មីមួយទៀត ចំពោះភាពលូតលាស់នៃគ្រោងឆ្អឹង ហើយជាពិសេសវាបានចង្អុលបង្ហាញនូវគោលដៅថ្មីដ៏មានប្រសិទ្ធភាពឈានទៅរកការព្យាបាលជំងឺសន្លាក់ឆ្អឹង ។ បណ្ដាអ្នក ស្រាវជ្រាវបានរកឃើញទៀតថា ប្រូតេអ៊ីននេ អូហ្សេនីន មិនបានជួយឱ្យឆ្អឹងលូតលាស់ទេ តែវាបានបង្កើតឱ្យមានភាពស្មុគស្មាញរបស់ប្រូ តេអ៊ីនមួយប្រភេទនេះ ៕
ចែករំលែកព័តមាននេះ