ខេត្តត្បូងឃ្មុំ៖ ទាំងរដូវបិទ និងរដូវបើកនេសាទនៅទីតាំងទួលគរ ព្រែកជីក ក្នុងឃុំទន្លេបិទ
ស្រុកត្បូងឃ្មុំ ព្រែកដែលលាតសន្ធឹងវែងតភ្ជាប់ពីបឹងនៅខាងក្នុងចេញមកទន្លេមេគង្គ ហើយក៏ជាអតីត
ឡូត៏នេសាទលេខ៩ ផងដែរ ។
សកម្មភាពដាក់ដាយពេញព្រែកមានជាច្រើនកន្លែងយ៉ាងហោចណាស់ ក៏មានចាប់ពី១០ ឡើងទៅបានដាក់យ៉ាងរលូនតែម្តង មិនមានវិធានការទប់ស្កាត់ពីអាជ្ញាធរមូលដ្ឋាន ឫក៏ស្ថាប័នជំនាញជលផលនោះទេ ។
លោកចែត វុទ្ធី មេឃុំទន្លេបិទមានប្រសាសន៏ឲ្យដឹងនៅរសៀលថ្ងៃទី៣០ ខែតុលានេះថា អាជ្ញាធរខ្វះ
ខាតសម្ភារសម្រាប់ចុះទៅបង្ក្រាបបទល្មើសនេសាទ នៅក្នុងទីតាំងទាំង២កន្លែងខាងលើ ហើយប្រសិន
បើមានតែអាជ្ញាធរចុះទៅបង្ក្រាបដាយ ដែលជាឧបករណ៍នេសាទត្រូវហាមឃាត់នោះ ប្រសិនណាបើ
មានបញ្ហារណាមួយកើតឡើងគេមិនទទួលខុសត្រូវទេ ដោយសារតែមិនមានខណ្ឌរដ្ឋបាលជលផល
ដែលជាស្ថាប័នជំនាញចូលរួមជាមួយនោះ ។
មេឃុំទន្លេបិទរំលឹកថា កាលពីឆ្នាំ២០១៦ កន្លងទៅមានពលរដ្ឋ ដាក់ដាយនៅនៅព្រែកជីកក្រោ
យ បានដឹងអត្តសញ្ញាណបានកោះហៅមកសាលាឃុំទន្លេបិទ ធ្វើកិច្ចសន្យាឲ្យបញ្ឈប់មិនឲ្យមានបន្ត
ទៀត តែក្រោយមកបាន៥ថ្ងៃប៉ុណ្ណោះ គឺអ្នកដែលផ្តិតមេដៃនោះបានបន្តសកម្មភាពដាក់ដាយដដែល ហើយក៏មានពាក្យលេចឮថាមេឃុំទន្លេបិទបានទទួលសំណូកទៅវិញ ជុំវិញករណីនេះរូបលោកសូមប
ដិសេធទាំងស្រុងសូម្បីតែ១០០រៀលក៏មិនមានដែរ ៕
ចែករំលែកព័តមាននេះ