អឺរ៉ុបកណ្តាល ៖ យោងតាមរ៉យទ័រថា ខ្យល់ព្យុះយ៉ាងខ្លាំងមួយដែលវាយប្រហារកាលពីចុងសប្តាហ៍កន្លងទៅលើអឺរ៉ុបកណ្តាល បណ្តាលឱ្យមនុស្សស្លាប់យ៉ាងតិច៥នាក់រួចហើយ ។ យោងតាមសេចក្តីរាយការណ៍របស់កាសែតអាល្លឺម៉ង់ BILD ថា ក្នុងចំណោមមនុស្សស្លាប់ទាំងនេះ២នាក់ស្លាប់ដោយដើមឈើបាក់សង្កត់នៅសាធារណរដ្ឋឆេក…
អឺរ៉ុបកណ្តាល ៖ យោងតាមរ៉យទ័រថា ខ្យល់ព្យុះយ៉ាងខ្លាំងមួយដែលវាយប្រហារកាលពីចុងសប្តាហ៍កន្លងទៅលើអឺរ៉ុបកណ្តាល បណ្តាលឱ្យមនុស្សស្លាប់យ៉ាងតិច៥នាក់រួចហើយ ។
យោងតាមសេចក្តីរាយការណ៍របស់កាសែតអាល្លឺម៉ង់ BILD ថា ក្នុងចំណោមមនុស្សស្លាប់ទាំងនេះ២នាក់ស្លាប់ដោយដើមឈើបាក់សង្កត់នៅសាធារណរដ្ឋឆេក ហើយមនុស្ស២នាក់ស្លាប់នៅប៉ូឡូញ រួចបុរសម្នាក់អាយុ៦៣ឆ្នាំស្លាប់ដោយលង់ទឹកនៅកាំពីងមួយឯតំបន់ BASSE-SAXE ។
ប្រទេសអូទ្រីសក៏រងការប៉ះពាល់ដោយព្យុះនេះដែរ ដោយព្យុះវាយប្រហារលើតំបន់បឹង NEUSIEDL ។ ព្យុះឈ្មោះ HERWART នេះញ៉ាំងឱ្យដាច់អគ្គិសនីប៉ះពាល់ដល់មនុស្សច្រើនរយពាន់គ្រួសារនៅអាល្លឺម៉ង់ និងប៉ូឡូញ ។ ក្នុងតំបន់ជាច្រើនព្យុះនេះមានកម្លាំងខ្យល់លើសពី១០០គីឡូម៉ែត្រក្នុង១ម៉ោង ហើយវាមានល្បឿនដល់១៨០គីឡូម៉ែត្រ ក្នុង១ម៉ោងនៅតំបន់ជួរភ្នំ SNEZKA ជាចំណុចខ្ពស់នៃសាធារណរដ្ឋឆេក ៕
ចែករំលែកព័តមាននេះ