រាជធានីភ្នំពេញ ៖ រថយន្តដឹកខ្សាច់១គ្រឿង បានបើកក្នុងល្បឿនលឿន ហើយបានជ្រុលទៅបុកជាមួយរថយន្តដឹកការ៉ូឡាបណ្ដាលឲ្យក្រឡាប់ គ្រោះថ្នាក់កើតឡើងកាលពីវេលាម៉ោង១០និង១៥នាទីព្រឹកថ្ងៃទី៣០ ខែតុលា ឆ្នាំ២០១៧ ស្ថិតនៅក្នុងភូមិព្រែកថ្លឹង សង្កាត់ជើងឯក ខណ្ខដង្កោ រាជធានីភ្នំពេញ ។
អ្នកបើករថយន្ត ខាត់ ចន្ធូ ភេទប្រុស អាយុ២២ឆ្នាំ ស្នាក់នៅឃ្លាំងការ៉ូឡា ស្ថិតនៅក្នុងភូមិពុទ្រា សង្កាត់គោករកា ខណ្ខព្រែកព្នៅ ។ ចំណែកអ្នកបើករថយន្តបង្កឈ្មោះ ឆិល សាវ៉េត អាយុ៤២ឆ្នាំ ស្នាក់នៅក្នុងភូមិពណ្ណាយ ឃុំសំរោងលើ ស្រុកអង្គស្នួល ខេត្តកណ្តាល។
រថយន្តដឹកការ៉ូឡាដែលក្រឡាប់នោះ ពណ៌ស ស្លាកលេខ ភព-២ប០៤០០ បើកដោយ ខាត់ ចន្ធូ ដោយមានប្រពន្ធ និងកូនស្រីរួមដំណើរក្នុងនោះកូនស្រី ឈ្មោះ ខែង សុលីតា អាយុ២ឆ្នាំ រងរបួសបែកក្បាល និងប្រពន្ធរងរបួសស្រាល ។ រីឯរថយន្តបង្កបែនដឹកខ្សាច់ ពណ៌ខៀវ ស្លាកលេខចង្កូតស្តាំ PP-០៥៧៥ បើកដោយបុរសម្នាក់ ឆិល សាវ៉េត ។
ព័ត៌មានបានឲ្យដឹងថា នៅមុនពេលកើតហេតុរថយន្តដឹកការ៉ូឡា បានបើកពីលិចទៅកើតក្នុងល្បឿនមធ្យម ស្រាប់តែមកដល់ចំណុចកើតហេតុ ដែលជាចំណុចផ្លូវខ្វែង បានវាក់ជាមួយរថយន្តដឹកខ្សាច់ដែលកំពុងតែបើកពីត្បូងទៅជើងយ៉ាងលឿន ក៏ត្រូវបានរថយន្តដឹកការ៉ូឡាបុកពេញទំហឹង បណ្តាលឲ្យរថយន្តដឹកការ៉ូឡានេះក្រឡាប់ និងបណ្តាលឲ្យអ្នកជិះនៅក្នុងនោះ២នាក់រងរបួសតែម្ដង ។ ក្រោយេពេលកើតហេតុសមត្ថកិច្ចខណ្ឌដង្កោ បានចុះទៅធ្វើការវាស់វែងនាំយករថយន្តទាំង២គ្រឿងទៅ រក្សាទុកដើម្បីដោះស្រាយគ្នាតាមផ្លូវច្បាប់៕
https://www.youtube.com/watch?v=Ty2nOZxEHl8
ចែករំលែកព័តមាននេះ