ខេត្តកោះកុង ៖ នៅព្រឹកថ្ងៃទី២៩ ខែតុលា ឆ្នាំ២០១៧ នៅក្នុងដៃសមុទ្រដងព្រែកកោះប៉ោនៃក្រុងខេមរៈភូមិន្ទខេត្តកោះកុងមានរៀបចំពិធីប្រណាំងទូកដែលមានចំណុះទូកក្រោម២០នាក់មកពីតាមបណ្តាស្រុក និងវត្តនានានៅក្នុងខេត្តចំនួន៨ទូក(គូ) ។
ពិធីប្រណាំងទូកនេះត្រូវបានរៀបចំឡើងក្រោមអធិបតីភាពលោកជំទាវ មិថុនា ភូថង អភិបាលនៃគណៈអភិបាលខេត្តកោះកុងដោយមានការចូលរួមពីមន្ត្រីអ្នកមុខអ្នកការជុំវិញខេត្ត និងប្រជាពលរដ្ឋយ៉ាងច្រើនកុះករ ។
មានមតិស្វាគមន៍ទៅកាន់មន្ត្រីរាជការ កងកំលាំងប្រដាប់អាវុធ និងប្រជាពលរដ្ឋនាឱកាសនេះលោកជំទាវអភិបាលខេត្តបានថ្លែងថា ពិធីប្រណាំងទូកថ្ងៃនេះត្រូវបានរៀបចំឡើងដើម្បីអបអរសាទរពិធីបុណ្យអុំទូកថ្នាក់ជាតិដែលនឹងប្រព្រឹត្តទៅក្នុងពេលឆាប់ៗខាងមុខនេះម្យ៉ាងទៀតដើម្បីបង្កបរិយាកាសរីករាយដល់ប្រជាពលរដ្ឋក្នុងខេត្តផងដែរ ៕
ចែករំលែកព័តមាននេះ