ខេត្តកណ្ដាល ៖ ផ្ទះឈើលើថ្មក្រោមមួយខ្នងត្រូវអគ្គីភ័យលេបត្របាក់អស់ទាំងស្រុដោយសារទុស្សេខ្សែភ្លើងកាលពីវេលាម៉ោង៩និង៣០នាទី ថ្ងៃទី២៨ ខែតុលា ឆ្នាំ២០១៧ នៅចំណុចភូមិកោះតូច ឃុំកោះឧកញ៉តី ស្រុកខ្សាច់កណ្តាល ខេត្តកណ្តាល ។
មន្ត្រីនគរបាលស្រុកខ្សាច់កណ្ដាលបានឱ្យដឹងថា ម្ចាស់ផ្ទះជាជនរងគ្រោះឈ្មោះ លឹម លាង ភេទប្រុស អាយុ៤៧ឆ្នាំ មានទីលំនៅភូមិកោះតូច ឃុំកោះឧកញ៉តី ស្រុកខ្សាច់កណ្តាល ប្រពន្ធឈ្មោះ ជឿន ឌី អាយុ៤៤ឆ្នាំ មានទីលំនៅភូមិ-ឃុំកើតហេតុខាងលើ មានកូនចំនួន៧នាក់ស្រីម្នាក់ ។ ផ្ទះជនរងគ្រោះដែលឆេះមានទំហំ៦គុណនឹង៩ម៉ែត្រ ធ្វើអំពីឈើលើថ្មក្រោមឆេះអស់ទាំងស្រុង និងខូចខាតសម្ភារខូចខាតរួមមានលុយកាក់ និងសម្ភារប្រើប្រាស់មួយចំនួនទៀត ។
នៅថ្ងៃកើតហេតុប្ដីប្រពន្ធជាម្ចាស់ផ្ទះមិននៅផ្ទះទេគឺបានទៅធ្វើការនៅភ្នំពេញទុកឱ្យកូនស្រីឈ្មោះ លាង បញ្ញវតី អាយុ៨ឆ្នាំ នៅចាំផ្ទះតែម្នាក់ឯង ពេលភ្លើងឆេះផ្ទះត្រូវបានអ្នកជិតខាង ជួយសង្គ្រោះក្មេងនោះទាន់ ។ តាមការសន្និដ្ឋានមូលហេតុបណ្ដាលឱ្យឆេះផ្ទះនេះគឺបណ្ដាលមកពីទុស្សេរខ្សែភ្លើងនៅក្នុងផ្ទះនោះដោយមិនមានអ្នកដឹង ។ ប៉ុន្តែមិនបណ្ដាលឱ្យមានគ្រោះថ្នាក់ដល់អាយុជីវិតមនុស្សទេ និងមិនឆេះរាលដាលដល់ផ្ទះអ្នកដទៃទេ ៕
ចែករំលែកព័តមាននេះ