ខេត្តកណ្ដាល ៖ នារីវ័យ១៩ឆ្នាំ ម្នាក់ត្រូវបានយុវជនម្នាក់ដែលស្គាល់គ្នាតាមទូរស័ព្ទនាំយកទៅរំលោភជាមួយមិត្តភក្ដិ៤នាក់ទៀតបានសម្រេច ម្នាក់ៗពីរលើក ពីរថ្ងៃជាប់គ្នា នៅចំណុចផ្ទះគ្មានមនុស្សនៅ ស្រុក ខ្សាច់កណ្ដាល កាលពីយប់ថ្ងៃទី២១-២២…
ខេត្តកណ្ដាល ៖ នារីវ័យ១៩ឆ្នាំ ម្នាក់ត្រូវបានយុវជនម្នាក់ដែលស្គាល់គ្នាតាមទូរស័ព្ទនាំយកទៅរំលោភជាមួយមិត្តភក្ដិ៤នាក់ទៀតបានសម្រេច ម្នាក់ៗពីរលើក ពីរថ្ងៃជាប់គ្នា នៅចំណុចផ្ទះគ្មានមនុស្សនៅ ស្រុក ខ្សាច់កណ្ដាល កាលពីយប់ថ្ងៃទី២១-២២ ខែតុលា ឆ្នាំ២០១៧ ។ លុះដល់រសៀលថ្ងៃទី២៦ ខែតុលា ទើបនារីរងគ្រោះដាក់ពាក្យប្ដឹង ហើយនគរបាលចាប់ខ្លួនជនសង្ស័យបានពីរនាក់ នៅពីរនាក់ទៀតគេចខ្លួនបាត់ ។
ជនសង្ស័យដែលបានចាប់ខ្លួនបានពីរនាក់ទី១-ឡូ សិលា ហៅពៅ អាយុ២៤ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល ទី២-ថុន ឈុនលី អាយុ ១៧ឆ្នាំ ជនជាតិខ្មែរ មុខរបរ បើករថយន្តដឹកគ្រឿងសំណង់ មានទីលំនៅភូមិ-ឃុំជាមួយគ្នា ។ ចំណែកជនរងគ្រោះ អាយុ ១៩ ឆ្នាំ ។
មន្ត្រីនគរបាលស្រុកខ្សាច់កណ្ដាលបានឲ្យដឹងថា ក្រុមជនសង្ស័យ និងនារីរងគ្រោះជាអ្នកប្រើប្រាស់គ្រឿងញៀន រយៈពេលមួយខែមកហើយ ជនរងគ្រោះបានចេញពីផ្ទះមកស្នាក់នៅជាមួយមិត្តភក្តិនៅភ្នំពេញ ។ ពេលនោះជនរងគ្រោះបានស្គាល់ជនសង្ស័យឈ្មោះ សេង នៅ ហៅណាក់ តាមរយៈទូរស័ព្ទ និងបានស្រលាញ់គ្នាជាសង្សា ។ នៅថ្ងៃទី២១ ខែតុលានេះបានណាត់ជួបគ្នានៅម៉ោង៥រសៀល ជនសង្ស័យ ណាក់ និងពៅបានជិះម៉ូតូទៅឌុបជនរងគ្រោះនៅម្តុំស្ទឹងមានជ័យ រាជធានីភ្នំពេញយកមកដាក់នៅផ្ទះគ្មានមនុស្សនៅ ស្រុកខ្សាច់កណ្តាល ។ បន្ទាប់មកជនសង្ស័យទាំង៥នាក់ រួមទាំងជនរងគ្រោះ នាំគ្នាប្រើប្រាស់គ្រឿងញៀន នៅទីនោះពេលប្រើប្រាស់គ្រឿងញៀនហើយ ជនសង្ស័យឈ្មោះ ណាក់ បានចាប់ផ្តើមរំលោភនាងមុនគេ ពេលរំលោភបានសម្រេចហើយ មិត្តភក្តិម្នាក់ឈ្មោះពៅ, ថុន ឈុនលី , ទូច រ័ត្ន និងព្រិល ម៉ូ បានរំលោភទៅលើជនរងគ្រោះបន្តបន្ទាប់រហូតបានសម្រេចទាំងអស់គ្នា ។ លុះនៅថ្ងៃទី២២ ខែតុលា ម៉ោង៩យប់ ជនសង្ស័យទាំង៥នាក់ បានមកប្រើប្រាស់គ្រឿងញៀន នៅចំណុចផ្ទះដដែល ហើយបានរំលោភទៅលើជនរងគ្រោះម្តងទៀតបានសម្រេចទាំង៥នាក់ទៀត ។
លុះដល់ថ្ងៃទី២៦ខែតុលា ម៉ោង៥រសៀល ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលព្រែកតាកូវ កម្លាំងប៉ុស្តិ៍បានចុះស្រាវជ្រាវឃាត់ខ្លួនជនសង្ស័យបាន២នាក់ខាងលើបញ្ជូនមកអធិការដ្ឋាននគរបាលស្រុកខ្សាច់កណ្តាល ដើម្បីសាកសួរ និងកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ