ប្រកាសតែងតាំងអភិបាលរងស្រុកព្រៃនប់ថ្មី
- ព្រះសីហនុ
ខេត្តព្រះសីហនុ ៖ មន្ត្រីរាជការចំនួន៤រូប ត្រូវបានប្រកាសតែងតាំងជាអភិបាលរងស្រុកព្រៃនប់ នារសៀលថ្ងៃទី២៦ ខែតុលា ឆ្នាំ២០១៧ នេះ នៅសាលាស្រុកព្រៃនប់ ក្រោមអធិបតីភាព…
ខេត្តព្រះសីហនុ ៖ មន្ត្រីរាជការចំនួន៤រូប ត្រូវបានប្រកាសតែងតាំងជាអភិបាលរងស្រុកព្រៃនប់ នារសៀលថ្ងៃទី២៦ ខែតុលា ឆ្នាំ២០១៧ នេះ នៅសាលាស្រុកព្រៃនប់ ក្រោមអធិបតីភាព លោក យន្ត មីន អភិបាលខេត្តព្រះសីហនុ លោកស្រីអភិបាលរងខេត្ត ប្រធាន និងសមាជិកក្រុមប្រឹក្សាស្រុក លោកអភិបាល អភិបាលរងស្រុក មន្ត្រីរាជការ ការិយាល័យ អង្គភាពជុំវិញស្រុក ។
តាមសេចត្តីប្រកាសតែតាំង និងផ្ទេរមុខតំណែងមន្ត្រីរាជការបស់ក្រសួងមហាផ្ទៃ បានសម្រេចតែងអភិបាលរងស្រុកព្រៃនប់ ចំនួន៤រួប ក្នុងនោះមាន ទី១.លោក ប៉េង សៅឌូ ជាអភិបាលរងស្រុកព្រៃនប់ ។ ទី២.លោក យឹម សុខសំអូន ជាអភិបាលរងស្រុកព្រៃនប់ ។ ទី៣.លោក សេក ដារ៉ាវុទ្ធ ជាអភិបាលរងស្រុកព្រៃនប់ ។ និងទី៤.លោកស្រី ម៉ម សាមុត ជាអភិបាលរងស្រុកព្រៃនប់ ។
ហើយសម្រាប់អភិបាលរងស្រុកព្រៃនប់ចាស់ដែលមានចំនួន២រួបនោះ មាន ទី១.លោក អក ស៊ុងហ៊ន ត្រូវបានប្តូរពីអភិបាលរងស្រុក ទៅសាលាខេត្តព្រះសីហនុ ។ ទី២.លោកស្រី យ៉ឹង សុឃឿន ប្តូរពីអភិបាលរងស្រុក ទៅជាអភិបាលរងក្រុងព្រះសីហនុ ។ លោកស្រី ម៉ម សាមុត ដែលទើបទទួលជាអភិបាលរងស្រុកថ្មី តំណាងឲ្យអភិបាលរង៣នាក់ទៀត បានឡើងអានការប្តេជ្ញាចិត្ត ខិតខំគោរព និងប្រតិបត្តិរដ្ឋធម្មនុញ្ញ អនុវត្តន៍មុខងារតួនាទីតាមកាតព្វកិច្ចដែលបានចែងក្នុងច្បាប់ ។ អនុវត្តន៍នូវគោលនយោបាយអភិវឌ្ឈន៍ជាតិ គោលនយោបាយ យុទ្ធសាស្ត្រចតុកោណ កំណែទម្រងវិមជ្ឈការ វិសហមជ្ឈការ រដ្ឋបាលថ្នាក់ក្រោមជាតិ ពង្រឹងសាមគ្គីផ្ទៃក្នុង សំដៅរួមចំណែកអភិវឌ្ឈន៍មូលដ្ឋាន លុបបំបាត់ភាពក្រីក្រ ។
លោក យន្ត មីន អភិបាលខេត្តព្រះសីហនុ បានអញ្ជើញឡើងមានមតិផ្ដាំផ្ញើ ក៏ដូចជាសំណូមពរដល់ លោក លោកស្រី ដែលទើបទទួលមុខតំណែជាអភិបាលរងស្រុកថ្មីនេះ ត្រូវប្រកាន់កាងារធ្វើដោយឆន្ទៈ បម្រើរាស្ត្រ បម្រើពលរដ្ឋ កុំប្រកាន់បក្ខពួកនិយម សាមគ្គីផ្ទៃក្នុងរួមគ្នាអភិវត្តន៍មូលដ្ឋាន តាមគោលនយោបាយប្រមុខរាជរដ្ឋាភិបាល គោរពតួនាទី ស្តាប់ការណែនាំពីថ្នាក់លើរបស់ខ្លួនក្នុងកាងារ ដូចជាអភិបាលស្រុកជាដើម ព្រោះអភិបាលស្រុកគីជាថ្នាក់ដឹកនាំតំណាងឲ្យអភិបាលខេត្ត ៕
ចែករំលែកព័តមាននេះ