Leicester City ជ្រើសរើសអតីតគ្រូបង្វឹក Southampton ធ្វើជាគ្រូបង្វឹកថ្មី
តាមប្រភពព័ត៌មាន The Guardian បានឲ្យដឹងថា Leicester City បានតែងតាំងលោក Claude Puel អតីតគ្រូបង្វឹករបស់ក្រុម…
តាមប្រភពព័ត៌មាន The Guardian បានឲ្យដឹងថា Leicester City បានតែងតាំងលោក Claude Puel អតីតគ្រូបង្វឹករបស់ក្រុម Southampton ឲ្យធ្វើជាអ្នកគ្រប់គ្រងរបស់ពួកគេក្រោយពីការបណ្តេញលោក Craig Shakespeare កាលពីសប្តាហ៍មុន ។ គាត់បានចុះហត្ថលេខាលើកិច្ចសន្យារហូតដល់ខែមិថុនា ឆ្នាំ ២០២០ ហើយត្រូវបានពិពណ៌នាដោយអនុប្រធានក្លឹប Aiyawatt Srivaddhanaprabha ថាជា «សមល្អឥតខ្ចោះ» ។
Leicester បានសម្ភាសបេក្ខជនជាច្រើនសម្រាប់តំណែងដែលត្រូវបានធ្វើឡើងជាបណ្តោះអាសន្នសម្រាប់ការប្រកួតពីរលើកចុងក្រោយដោយលោក Michael Appleton ។ លោក Puel ត្រូវប្រកាសតំណែងជាផ្លូវការនៅថ្ងៃសុក្រ ហើយនឹងចាប់ផ្តើមទទួលបន្ទុកការងារលើការប្រកួត នៅថ្ងៃអាទិត្យជាមួយនឹងក្រុម Everton ។
លោក Puel បាននិយាយថា «នេះជាឱកាសយ៉ាងថ្លៃថ្លាសម្រាប់ការទទួលបានការងារនេះ» ។ លោកបានបន្តទៀតថា «វាជាឱកាសដែលខ្ញុំអាចជួយក្លឹបឲ្យបង្កើតសមិទ្ធផលថ្មីនៅថ្ងៃមុខ និង ខ្ញុំសង្ឃឹមថានឹងអាចធ្វើការជាមួយនឹងម្ចាស់ក្លឹប កីឡាករ បុគ្គលិក និងអ្នកគាំទ្រផ្សេងទៀត ដើម្បីឆ្ពោះទៅភាពជោគជ័យនៅពេលខាងមុខទាំងអស់គ្នា» ៕
ចែករំលែកព័តមាននេះ