ខេត្តស្វាយរៀង ៖ ផ្លូវលំមួយខ្សែប្រវែងជាង១០គីឡូម៉ែត្រ ហៅថាផ្លូវកូនសិស្សចេញពីផ្លូវជាតិលេខ១ មកដល់ចំណុចភូមិព្រៃឈើទាល ឆ្លងកាត់ភូមិព្រៃទទឹង និងភូមិព្រៃតាយឹង ឃុំប្រសូតិស្រុកស្វាយទាប តភ្ជាប់ឆ្ពោះទៅឃុំខ្សែត្រស្រុកកំពង់រោទ៌ កំពុងខូចទាំងស្រុងក្លាយជារណ្តៅសម្បុកមាន់ជ្រៅៗ ធ្វើឲ្យពិបាកក្នុងការធ្វើដំណើរយ៉ាងខ្លាំង ដោយសារតែរថយន្តធុនធំៗ បើកបរនៅពេលភ្លៀងនារដូវវស្សានេះ ។
ហើយនៅព្រឹកថ្ងៃទី២៦ ខែតុលា ឆ្នាំ២០១៧ នេះ ប្រជាពលរដ្ឋទាំង៣ភូមិខាងលើ បានអំពាវនាវ សូមឲ្យអាជ្ញាធរឃុំស្រុកខេត្ត មេត្តាចុះទៅពិនិត្យដោះស្រាយជួសជុលផ្លូវជនបទមួយខ្សែនេះផង ។ បច្ចុប្បន្នពិបាកក្នុងការធ្វើដំណើរយ៉ាងខ្លាំងជាពិសេស សិស្សានុសិស្ស ធ្វើដំណើរទៅសាលារៀន និងពេលសមាជិកគ្រួសារមានជំងឺ និងពេលបញ្ជូនស្ត្រីមានផ្ទៃពោះទៅពិនិត្យ និងឆ្លងទន្លេនៅពេលយប់ទៅមណ្ឌលសុខភាព ឬទៅមន្ទីរពេទ្យបង្អែក ។ សូមអាជ្ញាធរចុះមកពិនិត្យមើលផ្លូវលំ ជនបទផង ៕
ចែករំលែកព័តមាននេះ