របាយការណ៍របស់អតិថិជនបាននិយាយថា កញ្ចក់នៅលើដំបូលរថយន្តបានផ្ទុះបែកជាច្រើនករណី ។ កាលពីមុន មានតែប្រភេទរថយន្តប្រណីតៗប៉ុណ្ណោះ ទើបមានកញ្ចក់លើដំបូលសម្រាប់បើកបិទ ។ ប៉ុន្តែបច្ចុប្បន្ន រថយន្តប្រភេទទូទៅជាច្រើន ក៏មានលក្ខណៈពិសេសបែបនេះដែរ…
របាយការណ៍របស់អតិថិជនបាននិយាយថា កញ្ចក់នៅលើដំបូលរថយន្តបានផ្ទុះបែកជាច្រើនករណី ។
កាលពីមុន មានតែប្រភេទរថយន្តប្រណីតៗប៉ុណ្ណោះ ទើបមានកញ្ចក់លើដំបូលសម្រាប់បើកបិទ ។ ប៉ុន្តែបច្ចុប្បន្ន រថយន្តប្រភេទទូទៅជាច្រើន ក៏មានលក្ខណៈពិសេសបែបនេះដែរ ។
មានមនុស្សមួយចំនួនលើកឡើងថា គុណភាព និងស្តង់ដាសុវត្ថិភាពនៅលើកញ្ចក់ដំបូលនេះ មិនសូវជាល្អគ្រប់រថយន្តទេ ។ គេឃើញមានករណីផ្ទុះបែកជាច្រើន ហើយក៏មានការប្រេះស្រាំដោយឯកឯងផងដែរ ។ គេសង្កេតឃើញថា វាតែងតែមាន១ករណីកើតឡើងជារៀងរាល់ខែ ហើយករណីទាំងនោះកើតនៅគ្រប់តំបន់ក្នុងសហរដ្ឋអាមេរិក។
វាមិនកើតឡើងញឹកញាប់ទេ ព្រោះថា ករណីផ្ទុះបែកកង់រថយន្ត គឺមានលក្ខណៈញយដងជាង ។ ប៉ុន្តែពិតជាគ្រោះថ្នាក់ខ្លាំងណាស់ ប្រសិនបើវាកើតឡើងពេលកំពុងបើកបរនៅលើដងផ្លូវ ជាពិសេស វាមិនស្ថិតនៅក្នុងលក្ខខណ្ឌធានារ៉ាប់រងទៀត ព្រោះថា ម្ចាស់រថយន្តត្រូវជួសជុលដោយខ្លួនឯង ។
គេកំពុងវិភាគវែកញែករកមូលហេតុ ដែលធ្វើឲ្យកញ្ចក់ដំបូលរថយន្តងាយបែក ។ វាអាចមកពីវត្ថុធាតុដើម ឬសារធាតុដាក់ពីលើ ដែលធ្វើឲ្យកញ្ចក់នោះងាយប្រេះស្រាំ ។ វាក៏អាចមកពីរាងកញ្ចក់នោះធ្វើមិនត្រូវតាមស្តង់ដា ។ អ្នកខ្លះថា មកពីរថយន្តបើកធ្លាក់ជង្ហុកញឹកញាប់ពេក ឬមកពីអាកាសធាតុក្តៅជាដើម ៕
ចែករំលែកព័តមាននេះ