តាមប្រភពព័ត៌មាន Marca បានឲ្យដឹងថា Neymar បានប្រាប់នៅក្នុងបទសម្ភាសកាលពីពេលថ្មីនេះថា រូបគេតែងតែមានក្លឹបអ្នកមានបុណ្យ Barcelona នៅក្នុងបេះដូងជានិច្ច ។
នៅយប់ថ្ងៃប្រគល់ពានរង្វាន់ FIFA’s The Best Awards កីឡាករឆ្នើម Neymar បានជួបជុំជាមួយនឹងមិត្តភក្តិរួមអាជីពចាស់ៗ នៅក្នុងក្លឹប Barcelona ដែលមានកីឡាករ Lionel Messi កីឡាករ Dani Alves និងកីឡាករ Andres Iniesta ។ Neymar ថាការជួបជុំគ្នានៅក្នុងកម្មវិធីនេះជាមួយនឹងកីឡាករកំពូលៗបែបនេះ គឺពិតជាសំខាន់ខ្លាំងណាស់ ។
ក្រៅពីពាក្យថា Barcelona តែងតែស្ថិតនៅក្នុងបេះដូងគេជានិច្ច Neymar ក៏បានបន្ថែមថា រូបគេលេងបានយ៉ាងល្អនៅពេញមួយរដូវកាលជាមួយនឹងក្លឹបនេះ ដែលធ្វើឲ្យរូបគេមិនអាចបំភ្លេចបានសោះឡើយ ។
គួរបញ្ជាក់ផងដែរថា Neymar គឺជាកីឡាករដែលមានតម្លៃខ្លួនថ្លៃជាងគេបំផុតក្នុងប្រវត្តិសាស្ត្របាល់ទាត់ បន្ទាប់ពីបានចាកចេញពីក្លឹបអ្នកមានបុណ្យ Barcelona ទៅកាន់ក្លឹបអ្នកមានបារាំង PSG ៕
ចែករំលែកព័តមាននេះ