រាជធានីភ្នំពេញ ៖ នៅមុននេះបន្តិចនារសៀលថ្ងៃទី២៤ ខែតុលាឆ្នាំ២០១៧ លោកមេធាវីគី តិចនិងមេធាវីចំនួន៤នាក់ផ្សេងទៀត បានចូលដាក់ឯកសារបន្ថែមនៅតុលាការកំពូលដែលឯកសារនោះ គឺជាសម្លេងលោក សម រង្ស៊ី អតីតមេបក្សប្រឆាំង បាននិយាយនៅថ្ងៃ ទី២៩ មិថុនា ទុកជាភស្តុតាងទី២២។
លោកបានបញ្ជាក់ថា នេះជាបណ្តឹងសុំរំលាយគណបក្សសង្គ្រោះជាតិមិនពាក់ព័ន្ធនឹងការចាប់ខ្លួនលោក កឹម សុខាទេ ។ លោកមេធាវីបានលើកឡើងថា ភស្តុតាងនេះជាប់ពាក់ព័ន្ធសុំរំលាយគណបក្សសង្គ្រោះជាតិ ។ លោកមេធាវីបានប្រាប់អ្នកសារព័ត៌មានថា លោកបានសួរតុលាការកំពូលថា មេធាវីគណបក្សសង្ក្រោះជាតិបានដាក់ឯកសារការពារឬទេ? តែខាងតុលាការឆ្លើយថា មិនទាន់បានដាក់ទេ ហើយបើសិនជាមិនដាក់ឯកសារក៏តុលាការនៅតែដំណើរបានដដែល ។
យ៉ាងណាមិញ លោកមេធាវី គី តិច មិនទាន់ដឹងថា តុលាកាតកំពូលកំណត់ពេលសវនាការនៅពេលណាទេ ។ លោកមេធាវីបានលើកឡើងថា ឯកសារដែលក្រុមមេធាវីក្រសួងមហាផ្ទៃ បានដាក់ចូលតុលាការកំពូលកន្លងមក គឺល្មមគ្រប់គ្រាន់ក្នុងការរំលាយគណបក្សសង្គ្រោះជាតិបានហើយ ។
ចែករំលែកព័តមាននេះ