ខេត្តតាកែវ ៖ ការធ្វើចរាចរណ៍សត្វព្រែក៏ដូចជាការធ្វើចរាចរណ៍ឈើប្រណិតដោយឆ្លងកាត់តាមខេត្តតាកែវចាប់ពីរដូវទឹកឡើងរហូតមកដល់ពេលបច្ចុប្បន្ននេះ មានសកម្មភាពយ៉ាងគគ្រឹកគគ្រេងឆ្លងដែនយកទៅលក់នៅស្រុកយួនស្ទើតែរាល់យប់ ដោយមិនឃើញសមត្ថកិច្ច ឬមន្ត្រីជំនាញថ្នាក់ណាមួយរារាំងឡើយ តែដោយមានសកម្មខ្លាំងពេកទើបកងរាជអាវុហត្ថលើផ្ទៃប្រទេសបានចុះមកសហការគ្នាជាមួយកងរាជអាវុហត្ថខេត្តបានធ្វើការបង្ក្រាបរថយន្តដឹកសត្វព្រែចំនួន០១រថយន្តដែលបម្រុងនឹងឆ្លងដែនទៅស្រុកយួនទៅហើយ តែត្រូវកម្លាំងកងរាជអាវុធហត្ថបង្ក្រាបកាលពីព្រលប់ថ្ងៃទី២៣ ខែតុលា ឆ្នាំ២០១៧ វេលាម៉ោង១៩និង៣០នាទីនៅចំណុចភូមិស្វាយខាងជើង ឃុំបាស្រែ ស្រុកអង្គរបូរី ខេត្តតាកែវ ដោយកម្លាំកងរាជអាវុធហត្ថលើផ្ទៃប្រទេសចំនួនបួននាក់ ។
លោកវរៈសេនីឯក ឌៀប វណ្ណឌី មេបញ្ជារង កងរាជអាវុធហត្ថខេត្តតាកែវដែលទទួលបន្ទុកនាយសេនាធិការក្រោយពីតាមដានយ៉ាងយកចិត្តទុកដាក់ពីបណ្តាញសំងាត់របស់កងរាជអាវុធហត្ថលើផ្ទែប្រទេសអំពីសកម្មភាពឈ្មួញបានដឹកជញ្ជូនសត្វព្រែឆ្លងកាត់ខេត្តតាកែវជាញឹកញាប់នោះទើបឈានទៅដល់ការបង្ក្រាបនៅពេលនេះទាន់ពេល ។ លោកបានបន្តទៀតថា បន្ទាប់ពីកម្លាំងកងរាជអាវុធហត្ថលើផ្ទៃប្រទេសបង្ក្រាបបានភ្លាមបានហៅកម្លាំងអាវុធហត្ថខេត្តបានទៅទទួលយកមកត្រួតពិនិត្យនិងធ្វើរបាយការណ៍នៅទីបញ្ជាការដ្ឋានកងរាជអាវុធហត្ថខេត្តតាកែវ ហើយជាលទ្ធផលសត្វព្រៃក្នុងក្រុម កម្ររាប់រយក្បាលនិងច្រើនប្រភេទត្រូវបានរំដោះ ចេញពីដៃឈ្មួញទុច្ចរិត ។
ប្រភេទសត្វព្រៃដែលរំដោះបានពីឈ្មួញនោះមាន សត្វពស់ប្រភេទកម្រ ទាំងមានពិស និងឥតពិសចំនួន៥៩ឡាំងស្មើ និង៦៤៤គីឡូក្រាម សត្វពស់ថ្លាន់១១ស្បោងស្មើ១៧៦គីឡូក្រាម និងសត្វអណ្តើក ០៤ស្បោងផងដែរស្មើ៨០គីឡូក្រាមជាង៩០០គីឡូក្រាម សរុបជាង ៩០០គីឡូក្រាម ៕
ចែករំលែកព័តមាននេះ